Fakamanatu Ako Fakafaifekau Fakateokalati
Ko e ngaahi fehuʻi ko ení ʻe lāulea tala ngutu ki ai ʻi he Ako Fakafaifekau Fakateokalatí lolotonga ʻa e uike kamata ʻi ʻOkatopa 27, 2003. ʻE fai ʻe he ʻovasia akó ha fakamanatu miniti ʻe 30 ʻo makatuʻunga he fakamatala naʻe kāpui ʻi he ngaahi konga ki he ngaahi uike ʻo Sepitema 1 ki ʻOkatopa 27, 2003. [Fakatokanga: ʻI he ʻikai ʻi ai ha ngaahi maʻuʻanga fakamatala hili ʻa e fehuʻí, ʻe fiemaʻu ke ke fai hoʻo fekumi pē ʻaʻau ke maʻu ai ʻa e ngaahi talí.—Sio ki he Ako Fakafaifekau, p. 36-7.]
TUʻUNGA ʻO E LEÁ
1. Ko e hā ʻa e ʻuhinga ʻo e akonaki ʻoku ʻomai ʻi he 1 Timote 2:9 (NW) ke te teuʻi kita ʻaki ʻa e “kofu napanapangamālié,” pea ʻe anga-fēfē nai ʻa e kaunga ʻa e meʻá ni ki heʻetau ngaahi fakahāhā mei he peletifōmú pe ʻi he malaʻe fakafaifekaú? [be p. 132 pal. 4-5]
2. ʻOku totonu ke fēfē hono tākiekina ʻe he ngaahi tefitoʻi moʻoni faka-Tohitapu ʻoku fokotuʻu mai ʻi he 1 Sione 2:15-17, Efeso 2:2 mo e Loma 15:3 ʻa hotau fōtunga fakafoʻituituí? [be p. 133 pal. 2-4]
3. Ko e hā ʻoku mahuʻinga ai ʻa e mapuleʻi-leleí, pea ʻe lava fēfē ke tau maʻu ʻa e mapuleʻi-leleí ʻi he taimi ʻo e malanga mei he peletifōmú pe kau ʻi he ngāue fakafaifekaú? [be p. 135 puha; p. 136 pal. 5, puha]
4. ʻI he tuʻunga “ko e Fakamoʻoni Falalaʻanga mo Moʻoni,” naʻe anga-fēfē hono fokotuʻu ʻe Sīsū ʻa e faʻifaʻitakiʻanga kia kitautolu ʻi hono ngāueʻaki ʻa e Tohitapú ʻi he ngāue fakafaifekaú? (Fkh. 3:14) [be p. 143 pal. 2-3]
5. ʻE lava fēfē ke tau hoko ʻo pōtoʻi ange ʻi hono ngāueʻaki ʻo e Tohitapú? (Tai. 1:9) [be p. 144 pal. 1, puha]
KONGA FIKA 1
6. Ko e hā ʻoku kau ki he akó, pea ko e hā ʻa e niʻihi ʻo e ngaahi ʻaonga ʻo ha ako tuʻumaʻu ʻo e Folofola ʻa e ʻOtuá? [be p. 27 pal. 3; p. 32 pal. 4]
7. ʻI he fehoanaki mo e Semisi 1:5, 6, ko e hā ʻoku mātuʻaki fiemaʻu ʻi he taimi ʻoku tau fehangahangai ai mo ha fili ʻoku mahuʻingá?
8. Ko e hā ʻa e ngaahi ʻaho mahuʻingá, pea ko e hā ʻoku nau mahuʻinga lahi aí? [bsi99-2 p. 16 pal. 27]
9. ʻI he founga fē ʻoku vale ai ʻa “ia oku leaaki ae mea fakakoviʻi [“līpooti koví,” NW]”? (Pal. 10:18, PM)
10. ʻE anga-fēfē ʻa e hoko ʻa e tangatá ʻo mahinoʻi kakato ange ʻa e vakai ʻa Sihova ki he taimí ʻi he māmani foʻoú? [bsi99-2 p. 17 pal. 32]
LAU TOHITAPU FAKAUIKE
11. Moʻoni pe Loi: ʻI he 1 Kolinito 2:9, ʻoku lave ai ʻa e ʻapositolo ko Paulá ki he ngaahi meʻa kuo teuʻi ʻe Sihova ki heʻene kakai faitōnungá ko honau tofiʻá. Fakamatalaʻi.
12. Ko e hā ʻa e ngaahi ʻahiʻahi ʻoku ngāueʻaki ki ai ʻa e ngaahi lea ʻoku lēkooti ʻi he 1 Kolinito 10:13, pea ʻoku anga-fēfē ʻa e hanga ʻe Sihova ʻo ‘ngaohi ha haoʻangá’?
13. ʻOku anga-fēfē ʻa e kaunga ki he kau Kalisitiané ʻa e faʻifaʻitakiʻanga loto-fiefoaki ʻa Sīsuú? (2 Kol. 8:9) [w92-E 1/15 p. 16 pal. 10]
14. Naʻe anga-fēfē ʻa e hoko ʻa e Laó ko ha “tokotaha fakahinohino ʻo taki atu ai kia Kalaisi”? (Kal. 3:24, NW) [w02 6/1 p. 15 pal. 11]
15. Ko e hā ʻa e ‘ngaahi elemeniti fakamaama’ kuo pau ke tau leʻohi kitautolu mei ai koeʻuhi ke ʻoua ʻe takiheeʻi kitautolú? (Kol. 2:8)