Fanongonongo

◼ Tohi ke tuʻuaki ʻi Tīsema: Ko e Moʻungaʻi Tangata Lahi Taha Kuo Moʻui Maí. Sanuali: Kau Fakamoʻoni ʻa Sihová—Ko Hai Kinautolu? Ko e Hā ʻOku Nau Tui ki Aí? Fepueli: ʻUnuʻunu Ofi kia Sihova. Maʻasi: ʻIlo ʻA Ia ʻOku Taki Atu ki he Moʻui Taʻengatá. ʻE fai ha feinga makehe ke kamata ha ngaahi ako Tohitapu ʻi ʻapi.

◼ Ko ha fakamanatu ki he fanga tokoua ʻoku nau ngāue ki he paʻanga ʻa e fakatahaʻangá, ko e ngaahi tokoni ʻoku tuku ki he ngaahi puha ki he Ngāue ʻo e Puleʻangá pea ki he Paʻanga Tokoni ki he Fale Fakatahaʻangá ʻoku totonu ke ʻave fakamāhina ia pea ʻoku ʻikai totonu ke ngāueʻaki ia ki ha totongi ʻo ha nō kelekele Fale Fakatahaʻanga pe ki ha toe fakamole fakaefakatahaʻanga kehe.

◼ Ko e ʻōfisi vaʻa ʻi Manurewa ʻe tāpuni ia ʻi he Tokonaki, Maʻasi 13, 2004 ki he fakamaʻa fakaʻāuliliki. ʻE ʻikai ha ngaahi fokotuʻutuʻu ki ha taki mamata pe ki he ngaahi fakatahaʻangá ke nau ʻave ha ʻū tohi ʻi he ʻaho ko iá.

◼ Ko e ngaahi tohi fakaafe fakamanatu ki he 2004 ʻi he lea tefito ʻa e fakatahaʻanga taki taha ʻe vavé ni ʻa hono ʻoatu ki he fakatahaʻangá. Kapau ʻoku leaʻaki ha toe ngaahi lea kehe ʻi ho feituʻu ngāué pea te ke saiʻia ke ʻi ai ha ngaahi tohi fakaafe ʻi he ngaahi lea ko iá, ʻoku totonu ke fai ha kole ki heni ʻi he vave taha ʻe malavá ʻi ha foomu Kole Tohi (S-14). Ko ha lisi ʻo e ngaahi lea ʻa ia ʻoku ala maʻu ai ʻa e ngaahi tohi fakaafe Fakamanatú ʻe hā ia ʻi he “Fanongonongo ki he Kotoa ʻo e Ngaahi Fakatahaʻangá,” ʻa ia ʻoku meiliʻi ki he fakatahaʻanga kotoa ʻi he māhina taki taha. Kātaki ʻo kole pē ʻa e ngaahi lea ko ia ʻoku fiemaʻu ki ho feituʻu ngāué.

◼ Kātaki ʻo fakatokangaʻi ko e Fakamanatu ki he taʻu 2005 ʻe hoko ia ʻi he Tuʻapulelulu, Maʻasi 24, hili e tō ʻa e laʻaá. Ko e fakatokanga ko eni ki muʻá ʻoku fai ia koeʻuhi ke fai ai ʻe he fanga tokouá ha ngaahi taʻofi pe ngaahi aleapau ki ha ngaahi holo ʻe faingamālié ʻi he taimi ʻoku ngāueʻaki ai ʻe he ngaahi fakatahaʻanga lahi ʻa e Fale Fakatahaʻangá pea pau ai ke kumi ha ngaahi fale kehé. ʻI he ngaahi tuʻunga ko iá, ʻoku totonu ke felotoi ʻa e kau mātuʻá mo hono fakalele ʻo e falé ʻo fakapapauʻi ʻe ʻikai ha ngaahi fakahohaʻa mei ha ngaahi ngāue kehe ʻi he falé koeʻuhi ke lava ʻo hokohoko ʻa e kātoanga Fakamanatú ʻi ha founga nonga mo maau. Koeʻuhi ko e mahuʻinga ʻo e meʻa ʻe faí, ko e kulupu ʻo e kau mātuʻá ʻoku totonu ke nau fili ha taha ʻi he kau mātuʻa taau angé ke hoko ko e tokotaha malanga Fakamanatú kae ʻikai ko e taufetongi pē pe ko hono ngāueʻaki ʻa e tokoua tatau ʻi he taʻu kotoa pē. Kapau ʻoku ʻi ai ha mātuʻa lavameʻa ʻo e kau paní ʻe lava ke ne fai ʻa e malangá, ʻoku totonu ke fili ia.

◼ Mei Maʻasi 15, 2004, ki Mē 16, 2005, ʻe lāulea ai ki he tohi ʻUnuʻunu Ofi kia Sihova ʻi he Ako Tohi ʻa e Fakatahaʻangá. Ko e ngaahi fakatahaʻanga ʻoku nau fiemaʻu ha pulusinga matalalahi ʻo e tohí ni ʻoku totonu ke ʻoatu ʻenau ngaahi kolé ʻi he vave taha ʻe ala lavá.