Fanongonongo

◼ Tohi ke tuʻuaki ki Sepitema: Ko e Fakapulipuli ʻo e Fāmili Fiefiá. ʻOkatopa: Ko e makasini Taua Leʻo mo e ʻĀ Hake! ʻI hono fakahaaʻi ʻa e mahuʻingaʻiá, tuʻuaki ʻa e polosiua Fiemaʻu, ʻo fai ha feinga makehe ke kamata ha ngaahi ako Tohi Tapu. Nōvema: Ako mei he Faiako Lahí. ʻI he tuʻunga ko ha tuʻuaki ke fetongiʻakí, ʻe lava ke ke tuʻuaki ʻa e polosiua Fiemaʻu. Tīsema: Ko e Moʻungaʻi Tangata Lahi Taha Kuo Moʻui Maí.

◼ Ko e meʻaʻofa kotoa ʻoku fai ʻaki ʻa e sieke ki he Ngāue ʻo e Puleʻangá mo e Paʻanga Tokoni Fale Fakatahaʻanga ʻi Nuʻu Sila ʻi he ngaahi ʻasemipilī fakasēketí, ngaahi ʻasemipilī ʻaho makehé mo e ngaahi fakataha-lahí, pe ʻave hangatonu ki he ʻŌfisi Vaʻa ʻi Nuʻu Silá, ʻoku totonu ke ʻai ia ke lava ʻo totongi ki he “Watch Tower.” ʻI Tongá ʻoku totonu ke ʻai ʻa e ngaahi sieké ke lava ʻo totongi ki he “Jehovah’s Witnesses.”

◼ Ko e malanga makehe maʻá e kakai ki he faʻahitaʻu Fakamanatu 2005 ʻe fai ia ʻi he Sāpate, ʻaho 10 ʻo ʻEpelelí. Ko e kaveinga ʻo e malangá ʻe toki fanongonongo atu ia ʻamui. Ko e ngaahi fakatahaʻanga ko ia ʻe ʻaʻahi ki ai ʻa e ʻovasia sēketí pe fai haʻanau ʻasemipilī ʻi he fakaʻosinga uike ko iá te nau fai ʻa ʻenau malanga makehé ʻi he uike hoko mai aí. ʻOku ʻikai totonu ke fai ʻe ha fakatahaʻanga ʻa e malanga makehé ki muʻa ʻi he Sāpate, ʻaho 10 ʻo ʻEpeleli 2005.

◼ ʻOku fakamanatu atu ki he kau mātuʻá ke nau muimui ki he ngaahi fakahinohino ʻoku ʻomai ʻi he peesi 17-19 ʻo e Taua Leʻo ʻo Sepitema 1, 1991, ʻo fekauʻaki mo ha faʻahinga pē kuo tuʻusi pe fakamavaheʻi kinautolu ʻa ia ʻoku totonu ke fai ki ai ha ʻaʻahí.

◼ ʻOku totonu ke tukuange atu ʻe he ngaahi fakatahaʻangá ʻa e ngaahi ʻīsiu fakamuimui taha ʻo e Taua Leʻo mo e ʻĀ Hake! ʻi hono maʻú mai pē. ʻE fakaʻatā heni ʻa e kau malangá ke nau hoko ʻo maheni mo e meʻa ʻi lotó ki muʻa ke tuʻuaki atu ʻa e ngaahi makasiní ʻi he malaʻe ngāué.

◼ Koeʻuhi ʻe ʻi ai ʻa e fakaʻosinga uike kakato ʻe nima ʻi ʻOkatopa, ʻe hoko ia ko ha māhina lelei ʻaupito ki he tāimuʻa tokoní.