Fanongonongo

◼ Tohi ke tuʻuaki ʻi Fepueli 1-20: ʻUnuʻunu Ofi kia Sihova. Fepueli 21–Maʻasi 20: Feingangāue makehe ke tufaki ʻa e Hanganaki Leʻo! Maʻasi 21-31: ʻIlo ʻA Ia ʻOku Taki Atu ki he Moʻui Taʻengatá. ʻEpeleli mo Mē: Fakaʻaliʻali ʻa e ngaahi tatau tāutaha ʻo e Taua Leʻo mo e ʻĀ Hake! fakatouʻosi. ʻI hono fai ʻa e ngaahi toe ʻaʻahi ki he kakai mahuʻingaʻiá, fakakau ai ʻa e faʻahinga naʻa nau maʻu ʻa e Fakamanatú pe ko e ngaahi meʻa fakateokalati kehé ka ʻoku ʻikai te nau feohi longomoʻui mo e kautahá. Tokangataha ki hono tufa ʻa e tohi Lotu ki he ʻOtua. ʻOku totonu ke fai ha feinga fakamātoato ke kamata ha ako Tohi Tapu ʻi ʻapi, tautefito kapau kuo ʻosi ako ʻe he faʻahinga tāutaha ʻe niʻihi ʻa e tohi ʻIlo mo e polosiua Fiemaʻu.

◼ ʻOku totonu ki he ʻovasia tauhí pe ko ha toko taha kuó ne vaheʻi ke ne ʻaotitaʻi ʻa e paʻanga ʻa e fakatahaʻangá ʻi Maʻasi 1 pe ʻi he faingamālie vave taha ʻi he hili pē iá. Kapau ʻoku tauhi maʻu ha ʻakauni sieke mavahe, hangē ko ia ki ha ngāue monomono pe langa, ʻoku totonu foki ke toe fai ʻa e ngaahi fokotuʻutuʻu ke ʻaotitaʻi ʻa e ʻakauni ko ení. ʻI he kakato hono ʻaotitaʻí, ʻoku totonu ke fanongonongo eni ki he fakatahaʻangá ʻi he fakamatala paʻanga hoko maí.

◼ ʻOku totonu ki he sekelitalí mo e ʻovasia ngāué ke na vakaiʻi ʻa e ngāue ʻa e kau tāimuʻa tuʻumaʻú kotoa. Kapau ʻoku ʻi ai ha faʻahinga ʻoku faingataʻaʻia ʻi hono aʻusia ʻa e houa ʻoku fiemaʻú, ʻoku totonu ki he kau mātuʻá ke nau fokotuʻutuʻu ke fai ha tokoni. Ki ha ngaahi fokotuʻu, vakaiʻi ʻa e ngaahi tohi fakataʻu S-201.

◼ Ko e malanga makehe maʻá e kakaí ki he faʻahitaʻu Fakamanatu ʻo e 2005 ʻe fakakaveinga ia “Ko e Hā Naʻe Faingataʻaʻia Ai ʻa Sīsū pea Pekiá?” Sio ki he fanongonongo felāveʻi mo iá ʻi he ʻEtau Ngāue Fakafaifekau ʻo e Puleʻanga ʻo Sepitema 2004.

◼ ʻOku totonu ke ʻi ai ʻa e tokotaha kotoa ʻi he Fakataha Maʻá e Kakaí ʻi he Sāpate ʻo Maʻasi 20, ki ha fanongonongo makehe fekauʻaki mo ha tokonaki ʻe ʻai ke ala maʻu ʻe he kau malangá.

◼ ʻOku ʻikai ke ʻomai ʻe he ʻōfisi vaʻá ʻa e ngaahi kole tohi ʻa ha kau malanga tāutaha. ʻOku totonu ki he ʻovasia tauhí ke ne fokotuʻutuʻu ke fai ha fanongonongo ʻi he māhina taki taha ki muʻa ke ʻoatu ʻa e kole tohi fakamāhina ʻa e fakatahaʻangá ki he ʻōfisi vaʻá, koeʻuhi ke tala ʻe kinautolu kotoa ʻoku mahuʻingaʻia ke maʻu ha ngaahi tohi fakafoʻituituí ki he tokoua ʻokú ne tokangaʻi ʻa e ngaahi tohí. Kātaki ʻo manatuʻi ʻa e ngaahi tohi ko ia ʻoku fai ʻa e kole makehe ki aí.