Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Sune 15
“Ko e tokolahi taha ʻo kitautolú te tau fakamoleki ʻa e konga lahi ʻo ʻetau moʻuí ʻi he ngāué. Ko e niʻihi ʻoku nau vakai ki ai ko ha tāpuaki; ko e niʻihi kehé ia te nau vakai ki ai ko ha mala. Ko e hā hoʻo fakakaukaú? [Tuku ke ne tali. Pea lau leva ʻa e Koheleti 2:24.] Ko e makasini ko ení ʻoku fakahaaʻi ai ʻa e founga ʻe lava ai ʻe he Tohi Tapú ʻo tokoniʻi kitautolu ke tau maʻu ha vakai mafamafatatau ki he ngāué. ʻOku toe lāulea ai ki he founga ke fekuki ai mo e loto-mafasia felāveʻi mo e ngāué.”
Awake! Sune 22
“ʻOkú ke fakakaukau ʻe hoko hotau feituʻú ko ha feituʻu lelei ange kapau ʻe moʻuiʻaki ʻe he tokotaha kotoa ʻa e ngaahi leá ni? [Lau ʻa e Efeso 4:28. Pea tuku ke ne tali.] ʻOku lāulea ʻa e makasini ko ení ki he fuʻu totongi lahi ʻoku totongi ʻe he tokotaha taki taha ʻo kitautolu koeʻuhi ko e kaihaʻa koloá. ʻOku toe fakahaaʻi ai ʻa e founga ʻe vavé ni ke hoko ai ʻa e kaihaʻa koloá mo e ngaahi hia kehe kotoa pē ko ha meʻa ʻo e kuohilí.”
Ko e Taua Leʻo Siulai 1
“Ko e kotoa ʻo kitautolú ʻoku tau ʻiloʻi ʻa e kakai ʻoku nau hā ngali ʻoku nau lavameʻá ka ʻoku nau kei ongoʻi pē ʻoku ʻi ai ʻa e meʻa ʻoku mole mei heʻenau moʻuí. Ko e hā ʻokú ke fakakaukau atu ʻoku nau kumi ki aí? [Tuku ke ne tali. Pea lau leva ʻa e Mātiu 5:3.] Ko e makasini ko ení ʻoku lāulea ai ki he kī mahuʻinga ki hono maʻu ʻa e nonga ʻi lotó—ko hono fakalato ʻa ʻetau fiemaʻu fakalaumālié.”
Awake! Siulai 8
“ʻI he māketi feʻauʻauhi lahi ʻo e ʻaho ní ki he ngāué, ko ha tefitoʻi palopalema ai ʻa e taʻemaʻungāué. ʻOku fakahaaʻi ʻi he makasini ko ení ʻa e ngaahi kī ʻe nima ki hono maʻu ha ngāué. [Fakamamafaʻi ʻa e kaveinga tokoni mata lalahi ʻi he kupu “Ngaahi Kī ʻe Nima ki Hono Maʻu ha Ngāué.”] ʻOku toe ʻomai ai ha ngaahi fokotuʻu ʻaonga ki he founga ke tauhi ai ha ngāué.” Lau ʻa e Palovepi 22:29, ʻa ia ʻoku fakalea ʻi he peesi 10.