Fanongonongo

◼ Tohi ke tuʻuaki ʻi ʻAokosi: Faʻahinga polosiua peesi 32 pē ʻa ia ʻoku feʻungamālié ʻe tuʻuaki nai ia. Sepitema: Ko e Fakapulipuli ʻo e Fāmili Fiefiá. Ki ha fetongi ʻo e tuʻuakí, ʻe lava ke ke tuʻuaki nai ʻa e polosiua Hanganaki Leʻo! ʻOkatopa: Ko e ngaahi makasini Taua Leʻo mo e ʻĀ Hake! ʻI hono fakahaaʻi ʻa e mahuʻingaʻiá, tuʻuaki ʻa e polosiua Fiemaʻu, ʻo fai ha feinga makehe ke kamata ha ngaahi ako Tohi Tapu. Nōvema: Ako mei he Faiako Lahí. Ki ha fetongi ʻo e tuʻuakí, ʻe lava ke ke tuʻuaki nai ʻa e tohi ʻIlo pe ko e tuleki Te Ke Saiʻia ke ʻIlo Lahi Ange ki he Tohitapú?

◼ Koeʻuhi ʻoku ʻi ai ʻa e fakaʻosinga uike kakato ʻe nima ʻi ʻOkatopa, ʻe hoko ia ko ha māhina lelei ʻaupito ki he tāimuʻa tokoní.

◼ Ko e peesi 5 mo e 6 ʻo e ʻīsiu ko ʻeni ʻo ʻEtau Ngāue Fakafaifekau ʻo e Puleʻanga ʻoku totonu ke tauhi ia ke ngāueʻaki ʻi he felāveʻi mo e ongo polokalama ʻasemipilī fakasēketi mo e ʻaho ʻasemipilī makehe ki he taʻu fakangāue ʻo e 2006.

◼ ʻOku totonu ki he ʻovasia tauhí pe ko ha tokotaha kuó ne vaheʻi ke ne ʻaotitaʻi ʻa e paʻanga ʻa e fakatahaʻangá ʻi Sepitema 1 pe ʻi he faingamālie vave taha ʻi he hili pē iá. Kapau ʻoku tauhi maʻu ha ʻakauni sieke mavahe, hangē ko ia ki he monomonó pe ko e langá, ʻoku totonu ke toe fai foki ha ngaahi fokotuʻutuʻu ke ʻaotitaʻi mo e ʻakauni ko iá. ʻI he ʻosi hono fakakakato ʻa e (ngaahi) ʻaotita ko ení, ʻoku totonu ke fanongonongo ia ki he fakatahaʻangá ʻi he fakamatala paʻanga hono hokó.

◼ Ki hano fakamanatu, ko e tuʻasila ʻo e ʻōfisi vaʻá ʻoku totonu ke ʻoua ʻaupito ʻe ngāueʻaki ia ki ha faʻahinga fetohiʻaki fakafoʻituitui pē. ʻOku kau ki heni ʻa e ngaahi tohi mo e ngaahi meʻa fekauʻaki mo e tohi kotoa pē ʻoku lī atu ke fai ha fakamoʻoni ki he kakai mahuʻingaʻiá, ki he ʻikai-ʻi-ʻapí, pe ki he faʻahinga ʻoku nau nofo ʻi he ngaahi feituʻu ʻoku ʻikai malava ke fai ha aʻu ki aí. ʻE loto nai ha tokotaha malanga ke ngāueʻaki ʻa hono tuʻasila fakafoʻituituí, koeʻuhi ko ʻene ngāue fakafaifekaú ʻoku kau ki ai ʻa ʻene ngāue fakafoʻituitui ki he ʻOtuá. (Mt. 28:​19, 20; Loma 10:​14, 15) Kae kehe, kapau ʻokú ne ongoʻi ʻe taʻefakapotopoto ke ngāueʻaki ʻa hono tuʻasila fakafoʻituituí ʻi he taimi ʻoku fai ai ʻa e faifakamoʻoni fakafou he meilí, te ne ngāueʻaki nai hono hingoá pea mo e tuʻasila ʻo e Fale Fakatahaʻangá.​—Sio ki he Puha Fehuʻi ʻo ʻEtau Ngāue Fakafaifekau ʻo e Puleʻanga ʻo Mē 2002.

◼ Ko e fakamatala fakataʻu ʻo e ngaahi tohi mo e ngaahi makasini kotoa pē ʻoku kei maʻú ʻoku totonu ke ʻosi ki ʻAokosi 31, 2005, pe ko e ofi taha ki ai ʻoku ala lavá. Ko e fakamatala ko ení ʻoku meimei tatau ia mo e lau ʻa e lahi ʻo e ngaahi tohí tonu ʻoku fai ʻi he māhina taki taha ʻe he kouʻotineita ki he ʻū tohí, pea ko e fakakātoá ʻoku totonu ke fakahū ki he foomu Literature Inventory (S-18). Ko e fika fakakātoa ʻo e ngaahi makasini ʻoku kei toé ʻe lava ke maʻu ia mei he (kau) sevāniti makasiní. ʻOku totonu ki he sekelitali ʻo e fakatahaʻanga tokangaʻi ʻū tohí ke ne vakaiʻi ʻa e fakamatalá. Ko ia mo e ʻovasia tauhi ʻo e fakatahaʻanga tokangaʻi ʻū tohí te na fakamoʻoni ʻi he fōmú. Ko e fakatahaʻanga tokangaʻi ʻū tohi taki taha te ne maʻu ʻa e foomu Literature Inventory (S-18) ʻe tolu. Kātaki ʻo meiliʻi ʻa e ʻuluaki tataú ki he ʻōfisi vaʻá ʻo ʻikai toe tōmui ange ʻi Sepitema 6. Tauhi ha tatau ki hoʻomou ngaahi failé. ʻE ngāueʻaki nai ʻa e tatau hono tolú ko ha pepa ngāue.

◼ ʻOku totonu ke kamata ʻa hono kole ʻe he ngaahi fakatahaʻangá ʻa e 2006 Calendar of Jehovah’s Witnesses, Ko Hono Vakaiʻi Fakaʻaho ʻa e Tohi Tapú​—2006, mo e 2006 Yearbook of Jehovah’s Witnesses ʻi heʻenau kole tohi hono hokó. Ko ha lisi ʻo e ngaahi lea ʻoku ala maʻu ai ʻa e ʻū tohi ko ʻení ʻe ʻasi atu ia ʻi he “Fanongonongo ki he Ngaahi Fakatahaʻanga Kotoa Pē,” ʻa ia ʻoku meiliʻi ki he kotoa ʻo e ngaahi fakatahaʻangá ʻi he māhina taki taha.