Fanongonongo

◼ Tohi ke tuʻuaki ki Sepitema: Ko e Fakapulipuli ʻo e Fāmili Fiefiá. Ki ha toe tuʻuaki ʻe taha, te ke fakaʻaliʻali nai ʻa e polosiua Hanganaki Leʻo! ʻOkatopa: Ko e ongo makasini Taua Leʻo mo e ʻĀ Hake! ʻO ka hā mai ha mahuʻingaʻia, tuʻuaki ʻa e polosiua Fiemaʻu, ʻo fai ha feinga makehe ke kamata ha ngaahi ako Tohi Tapu. Nōvema: Ako mei he Faiako Lahí. Ki ha toe tuʻuaki ʻe taha, te ke fakaʻaliʻali nai ʻa e tohi ʻIlo pe ko e tuleki Te Ke Saiʻia ke ʻIlo Lahi Ange ki he Tohitapú? Tīsema: Ko e Moʻungaʻi Tangata Lahi Taha Kuo Moʻui Maí. Ki ha toe tuʻuaki ʻe taha, te ke fakaʻaliʻali nai ʻa e Ko ʻEku Tohi ʻo e Ngaahi Talanoa Faka-Tohitapú.

◼ ʻOku ʻikai ke ʻomai ʻe he ʻōfisi vaʻá ʻa e ngaahi kole tohi ʻa ha kau malanga tāutaha. ʻOku totonu ki he ʻovasia tauhí ke ne fokotuʻutuʻu ke fai ha fanongonongo ʻi he māhina taki taha ki muʻa ke ʻoatu ʻa e kole tohi fakamāhina ʻa e fakatahaʻangá ki he vaʻá, koeʻuhi ke tala ʻe kinautolu kotoa ʻoku mahuʻingaʻia ke maʻu ha ngaahi tohi fakafoʻituituí ki he tokoua ʻokú ne tokangaʻi ʻa e ngaahi tohí. Kātaki ʻo manatuʻi ʻa e ngaahi tohi ko ia ʻoku fai ʻa e kole makehe ki aí.

◼ ʻOku fakamanatu ki he kau mātuʻá ke nau muimui ʻi he ngaahi fakahinohino ʻoku ʻomai ʻi he Taua Leʻo ʻo Sepitema 1, 1991 peesi 17-21 ʻo fekauʻaki mo ha faʻahinga pē kuo tuʻusi pe fakamavaheʻi kinautolu ʻa ia ʻoku nau hehema nai ke hoko ʻo toe fakafoki mai.

◼ Ko e malanga makehe maʻá e kakaí ki he faʻahitaʻu Fakamanatu 2006 ʻe fai ia ʻi he Sāpate, ʻEpeleli 30. Ko e kaveinga ʻo e malangá ʻe toki fanongonongo atu ia ʻamui. Ko e ngaahi fakatahaʻanga ko ia ʻe ʻaʻahi ki ai ʻa e ʻovasia sēketí pe fai haʻanau ʻasemipilī ʻi he fakaʻosinga uike ko iá te nau fai ʻa e malanga makehé ʻi he uike hoko mai aí. ʻOku ʻikai totonu ke fai ʻe ha fakatahaʻanga ʻa e malanga makehé ki muʻa ʻi he Sāpate, ʻEpeleli 30, 2006.

◼ ʻOku totonu ke kamata kole ʻe he ngaahi fakatahaʻangá ʻa e voliume ʻo e Watchtower mo e Awake! ki he 2005 mo e Watchtower Library—2005 Edition ʻi he CD-ROM ʻi heʻenau kole tohi hokó. Ko ha lisi ʻo e ʻū lea ʻoku ala maʻu ai ʻa e ngaahi meʻá ni ʻe hā atu ia ʻi he “Fanongonongo ki he Ngaahi Fakatahaʻanga Kotoa Pē,” ʻa ia ʻoku meiliʻi atu ʻi he māhina hono ua kotoa pē. Kātaki ʻo fakatokangaʻi ko e Watchtower Library—2005 Edition ko ha tokonaki ia maʻá e ngaahi mēmipa ʻosi papitaiso ʻo e fakatahaʻangá pea ʻoku ʻai ʻo ala maʻu ia fakafou ʻi he fakatahaʻangá pē.

◼ Koeʻuhi ʻoku ʻi ai ʻa e fakaʻosinga uike kakato ʻe nima ʻi ʻOkatopa, ʻe hoko ia ko ha māhina lelei ki he tāimuʻa tokoní.

◼ ʻI ʻAokosi 7, 2005 naʻe kamata ngāue ai ha fakatahaʻanga foʻou ʻo e kau malanga ʻe toko 81 ʻi Whangarei. ʻI hono faʻu ia mei he fakatahaʻanga ʻe fā ʻoku ʻi Whangarei, ʻoku ʻiloa ʻa e fakatahaʻanga foʻoú ko e Fakatahaʻanga Whangarei Central. ʻOku ʻalu hake ai heni ʻa e fika fakakātoa ʻo e ngaahi fakatahaʻanga ʻi Nuʻu Silá ki he 170.

◼ Lolotonga ʻa e taʻu fakangāue 2006, ko e faʻahinga kotoa ʻoku nau ngāue ko e kau tāimuʻa tokoni lolotonga ʻa e māhina ʻa ia ʻoku ʻaʻahi atu ai ʻa e ʻovasia sēketí ki he fakatahaʻangá ʻe ngofua ke nau maʻu ʻa e konga ʻuluaki ʻo e fakataha ʻa ia ʻoku fakahoko mo e kau tāimuʻá lolotonga ʻa e uike ʻo e ʻaʻahí. Ko e faʻahinga kotoa ʻe malava ke nau fai peheé ʻoku fakalototoʻaʻi ke nau maʻu ʻaonga mei he fokotuʻutuʻu makehe ko ení.