Fakamanatu Ako Fakafaifekau Fakateokalati
Ko e ngaahi fehuʻi ko ení ʻe lāulea tala ngutu ki ai ʻi he Ako Fakafaifekau Fakateokalatí lolotonga ʻa e uike kamata ʻi Tīsema 26, 2005. ʻE fai ʻe he ʻovasia akó ha fakamanatu miniti ʻe 30 ʻo makatuʻunga he fakamatala naʻe kāpui ʻi he ngaahi konga ki he ngaahi uike ʻo Nōvema 7 ki Tīsema 26, 2005. [Fakatokanga: ʻI he ʻikai ʻi ai ha ngaahi maʻuʻanga fakamatala hili ʻa e fehuʻí, ʻe fiemaʻu ke ke fai hoʻo fekumi pē ʻaʻau ke maʻu ai ʻa e ngaahi talí.—Sio ki he Ako Fakafaifekau, p. 36-7.]
TUʻUNGA ʻO E LEÁ
1. Ko e hā ʻe lava ke tau faí ke fakapapauʻi ʻoku fai ʻetau enginakí “ʻo tuʻunga ʻi he ʻofa”? (Filim. 8 [9, PM]) [be p. 266]
2. ʻI he ngaahi founga fē ʻe lava ai ke tau “enginaki ʻaki ʻa e akonaki ʻa ia ʻoku leleí”? (Tai. 1:9, NW) [be p. 267 pal. 1-2]
3. Ko e hā ʻoku mahuʻinga ai ke ʻai ʻetau ngaahi malangá ke fakalototoʻá, pea ʻe lava fēfē ke tau fai eni? [be p. 268 pal. 1-3, puha]
4. ʻI he faʻifaʻitaki kia Mōsesé, ʻoku anga-fēfē hono langaʻi ʻa e loto-toʻá, ʻi heʻetau tokoniʻi ko ia ʻa e niʻihi kehé ke nau fakamanatuʻi ʻa e meʻa kuo fai ʻe Sihova maʻa hono kakaí? (Teu. 3:28; 31:1-8) [be p. 268 pal. 5–p. 269 pal. 2]
5. Ko e hā ʻoku totonu ai ke hoko ʻo fakalototoʻa ki heʻetau kau fanongó, ʻa e lea ʻi he fiefia ʻo fekauʻaki mo e meʻa ʻoku lolotonga fai ʻe Sihova he taimi ní pea fekauʻaki mo e meʻa te ne fai ʻi he kahaʻú? [be p. 270-1]
KONGA FIKA 1
6. Ko e hā ʻa e Sepituakini, pea ko e hā ʻoku mahuʻinga ai ia ki he kau Kalisitiané? [bsi05 p. 15 pal. 12-14]
7. Ko hai ʻa e kau Masoletí, pea ko e hā ʻa e ngaahi tokoni mahuʻinga naʻa nau fai ki he liliu ʻo e Tohi Tapú? [bsi05 p. 18 pal. 18; p. 19 pal. 20-1]
8. Ko e hā ʻokú ne tokonaki ʻa e konga tohi tefito ki he konga faka-Hepelū ʻo e New World Translation ʻi he lea faka-Pilitāniá, pea ko e hā ʻe lava ai ke pehē ko e liliu ko ení ʻokú ne maʻu ʻa e tuʻunga mafai mo alafalalaʻanga? [bsi05 p. 22 pal. 28, 30]
9. Naʻe anga-fēfē hono fakahaaʻi ʻe he muʻaki kau Kalisitiané ha holi lahi ke pulusi ʻa e Folofola ʻa e ʻOtuá? [bsi05 p. 23-4 pal. 1-5]
10. Ko e hā ʻoku fakahaaʻi ʻi hono ako ʻo ha ngaahi maniusikilipi moʻoni mo e ngaahi konga tohi ʻo e Ngaahi Konga Tohi Tapu Māʻoniʻoní ʻo fekauʻaki mo e Tohi Tapú? [bsi05 p. 30 pal. 32]
LAU TOHI TAPU FAKAUIKE
11. ʻOku fakahaaʻi nai ʻe he foʻi moʻoni ko ia naʻe ʻikai ke fakangofua ʻa Tēvita ke ne langa ʻa e temipalé, naʻe ʻikai ke hōifua ʻa Sihova ki he ngaahi faitau naʻe fai ʻe Tēvitá? (1 Kal. 22:6-10)
12. ʻI heʻene lotu fakatapui ʻo e temipalé, naʻe anga-fēfē hono ʻiloʻi ʻe Solomone naʻe ʻikai ke tokanga ʻataʻatā pē ʻa Sihova ki he ngaahi fiemaʻu ʻa ʻene kau sevānití ʻi he tuʻunga ko ha kulupú ka ne toe ʻiloʻi foki ʻa e tuʻunga makehe ʻo e tokotaha tāutaha taki taha ʻa ia ʻoku nau manavahē kiate iá? (2 Kal. 6:29, 30)
13. Ko e hā ʻa e “fanga tēmeniō fōtunga kosi” naʻe lave ki ai ʻi he 2 Kalonikali 11:15 (NW)?
14. Koeʻuhi naʻe kamata ʻa e pule ʻa Pāsá “ʻi he tolu taʻu ʻo Asa” pea ko hono lōloá naʻe taʻu pē ʻe 24, ʻe lava fēfē ke tau ʻai ke fehoanakimālie eni ki he ʻalu hake ʻa Paasa “ke tauʻi ʻa Siuta” “ʻi hono tolungofulu ma ono taʻu ʻo e pule ʻa Asa”? (1 Tuʻi 15:33; 2 Kal. 16:1)
15. ʻOku anga-fēfē hono fakatātaaʻi māʻalaʻala ʻe he 2 Kalonikali 20:22, 23 ʻa e meʻa ʻoku ʻamanaki ke hoko ki he māmani ʻo Sētané?