Fanongonongo

◼ Tohi ke tuʻuaki ʻi Tīsema: Ko e Moʻungaʻi Tangata Lahi Taha Kuo Moʻui Maí. Ki ha toe tuʻuaki ʻe taha, te ke fakaʻaliʻali nai ʻa e Ko ʻEku Tohi ʻo e Ngaahi Talanoa Fakatohitapú. Sanuali: Ko e Fakapulipuli ʻo e Fāmili Fiefiá. Fepueli: ʻUnuʻunu Ofi kia Sihova. Maʻasi: Ko e Hā ʻOku Akoʻi Moʻoni ʻe he Tohi Tapú?

◼ Ko e ngaahi tohi fakaafe Fakamanatu ki he 2006 ʻi he lea tefito ʻa e fakatahaʻanga taki taha ʻe vavé ni ʻa hono ʻoatú. Kapau ʻoku leaʻaki ha toe ngaahi lea kehe ʻi ho feituʻu ngāué pea te ke saiʻia ke ʻi ai ha ngaahi tohi fakaafe ʻi he ngaahi lea ko iá, ʻoku totonu ke fai ha kole ki ai ʻi he vave taha ʻe malavá ʻi ha Literature Request Form (S-14). Ko ha lisi ʻo e ngaahi lea ʻa ia ʻoku ala maʻu ai ʻa e ngaahi tohi fakaafe Fakamanatú ʻe hā ia ʻi he “Fanongonongo ki he Ngaahi Fakatahaʻanga Kotoa Pē,” ʻa ia ʻoku meiliʻi atu ʻi he māhina hono ua kotoa pē. Kātaki ʻo kole pē ʻa e ngaahi lea ko ia ʻoku fiemaʻu ki ho feituʻu ngāué.

◼ Kātaki ʻo fakatokangaʻi ko e Fakamanatu ki he taʻu 2007 ʻe fai ia ʻi he Mōnite ʻo ʻEpeleli 2, hili e tō ʻa e laʻaá. Ko e fakatokanga tokamuʻa ko ení ʻoku fai ia koeʻuhi ke fai ai ʻe he fanga tokouá ha ngaahi taʻofi pe ngaahi aleapau ki ha ngaahi holo ʻe faingamālié ʻi he taimi ʻoku ngāueʻaki ai ʻe ha ngaahi fakatahaʻanga kehekehe ʻa e Fale Fakatahaʻangá pea pau ai ke kumi ha ngaahi fale kehé. ʻI he ngaahi tuʻunga ko iá, ʻoku totonu ke felotoi ʻa e kau mātuʻá mo e pule ʻo e falé ke fakapapauʻi ʻe ʻikai ha ngaahi fakahohaʻa mei ha ngaahi ngāue kehe ʻi he falé koeʻuhi ke lava ʻo hokohoko lelei ʻa e kātoanga Fakamanatú ʻi ha founga nonga mo maau.

◼ Koeʻuhi ko e mahuʻinga ʻo e Fakamanatú, ko e kulupu ʻo e kau mātuʻá ʻoku totonu ke nau fili ha taha ʻi he kau mātuʻa taau angé ke hoko ko e tokotaha malanga Fakamanatú kae ʻikai ko e taufetongi pē pe ko hono ngāueʻaki ʻa e tokoua tatau ʻi he taʻu kotoa pē. Kapau ʻoku ʻi ai ha tokotaha mātuʻa ʻo e kau paní ʻa ia ʻoku taau ʻaupito ia ke ne fai ʻa e malangá, ʻoku totonu ke fili ia.

◼ Ko e DVD Young People Ask—What Will I Do With My Life? ko ha meʻangāue mālohi ia ke tokoniʻiʻaki ʻa e kau talavoú ke nau ʻai ke muʻomuʻa ʻa e lotu kia Sihová ʻi heʻenau moʻuí pea fokotuʻu ha ngaahi taumuʻa mohu ʻuhinga ki honau kahaʻú. (Mt. 6:33) ʻE lava ke ʻota ha ngaahi tatau fakafou ʻi he sevāniti tohi ʻa e fakatahaʻangá.—Sio ki he g05-E 9/8 p. 31 “ʻOku Fakahaofi ʻe he Vitiō ko Ení ha Ngaahi Moʻui!”

◼ Kuo Fokotuʻu ha Fakatahaʻanga Foʻou! ʻI ʻOkatopa 9, 2005 naʻe kamata lele ai ha fakatahaʻanga foʻou ʻo ha kau malanga ʻe toko 83 ʻi Pukekohe. ʻOku ʻiloa ʻa e fakatahaʻanga foʻoú ko e East Congregation, Pukekohe, pea kuo fakahingoa ʻa e fakatahaʻanga ʻoku lolotonga ʻi aí ko e West Congregation, Pukekohe.