Fanongonongo

◼ Tohi ke tuʻuaki ʻi Sanuali: Ko e Fakapulipuli ʻo e Fāmili Fiefiá. Fepueli: ʻUnuʻunu Ofi kia Sihova. Maʻasi: Ko e Hā ʻOku Akoʻi Moʻoni ʻe he Tohi Tapú? ʻEpeleli mo Mē: Fakaʻaliʻali ʻa e ngaahi tatau tāutaha ʻo e Taua Leʻo mo e ʻĀ Hake! fakatouʻosi. ʻI hono fai ʻa e ngaahi toe ʻaʻahi ki he kakai mahuʻingaʻiá, tokangataha ki hono tufaki ʻa e tohi Akoʻi ʻe he Tohi Tapú.

◼ Koeʻuhi ʻe ʻi ai ʻa e fakaʻosinga uike kakato ʻe nima ʻi ʻEpeleli, ʻe hoko ia ko ha māhina lelei ʻaupito ki he tāimuʻa tokoní.

◼ Kamata ʻi Fepueli, pea ʻikai tōmui ʻi Maʻasi 5, ko e malanga foʻou maʻá e kakaí ki he kau ʻovasia sēketí ko e “ʻE Lava Ke Ke Maʻu ʻa e Moʻui Melino he Taimí Ni—Pea Taʻengata!”

◼ ʻOku totonu ke fai ʻe he ngaahi fakatahaʻangá ʻa e ngaahi fokotuʻutuʻu feʻungamālie ke kātoangaʻi ai ʻa e Fakamanatu ʻi he taʻu ní ʻi he Pulelulu, ʻEpeleli 12, hili e tō ʻa e laʻaá. Neongo ʻe kamata tōmuʻa nai ʻa e malangá, ko hono paasi ʻo e maá mo e uainé ʻoku ʻikai totonu ke kamata ia kae ʻoua kuo tō ʻa e laʻaá. Vakaiʻi mei he ngaahi maʻuʻanga fakamatala fakalotofonuá ke fakapapauʻi ʻa e taimi ʻe tō ai ʻa e laʻaá ʻi ho feituʻú. ʻOku totonu ki he fakatahaʻanga taki taha ke ne fai ʻene kātoanga Fakamanatu ʻaʻana pē. Kae kehe, ʻe ʻikai nai malava maʻu pē eni. ʻI he feituʻu ʻoku ngāueʻaki anga-maheni ai ʻe ha ngaahi fakatahaʻanga ʻa e Fale Fakatahaʻanga tataú, ʻe lava nai ke maʻu ʻo ngāueʻaki ʻe ha fakatahaʻanga ʻe taha pe lahi ange ha toe fale ʻe taha ki he efiafi ko iá. ʻO ka malava, ʻoku mau fokotuʻu atu ha miniti ʻe 40 ko e siʻisiʻi tahá ia ʻi he vahaʻa ʻo e ngaahi polokalamá koeʻuhi ke maʻu ʻaonga kakato ʻa e tokotaha kotoa mei he kātoangá. ʻOku totonu foki ke fai ha fakakaukau ki he ngaahi tuʻunga fefonongaʻakí pea mo e tauʻanga meʻalelé, ʻo kau ai ʻa hono fakahifo mo hono fakaheka ʻo e kau pāsesé. ʻOku totonu ke fakapapauʻi ʻe he kulupu ʻo e kau mātuʻá ʻa e ngaahi fokotuʻutuʻu ʻe lelei taha fakalotofonuá.

◼ ʻI ha taimi pē ʻoku kau ai ki hoʻo ngaahi palani folau fakafoʻituituí ʻa hono maʻu ʻa e ngaahi fakataha ʻa e fakatahaʻangá, ko ha ʻasemipilī, pe ko ha fakataha-lahi fakavahe ʻi ha fonua ʻe taha, ko hoʻo kole ki ha fakamatala fekauʻaki mo e ngaahi ʻaho, ngaahi taimi mo e ngaahi feituʻú kuo pau ke ʻave ia ki he ʻōfisi vaʻa ʻokú ne tokangaʻi ʻa e ngāue ʻi he fonua ko iá. Ko e ngaahi tuʻasila ʻo e ngaahi ʻōfisi vaʻá ʻoku fakahokohoko ia ʻi he peesi fakaʻosi ʻo e Yearbook lolotongá.