Fakamanatu Ako Fakafaifekau Fakateokalati
Ko e ngaahi fehuʻi ko ení ʻe lāulea tala ngutu ki ai ʻi he Ako Fakafaifekau Fakateokalatí lolotonga ʻa e uike kamata ʻi Sune 26, 2006. ʻE fai ʻe he ʻovasia akó ha fakamanatu miniti ʻe 30 ʻo makatuʻunga he fakamatala naʻe kāpui ʻi he ngaahi konga ki he uike ʻo Mē 1 ki Sune 26, 2006. [Fakatokanga: ʻI he ʻikai ʻi ai ha ngaahi maʻuʻanga fakamatala hili ʻa e fehuʻí, ʻe fiemaʻu ke ke fai hoʻo fekumi pē ʻaʻau ke maʻu ai ʻa e ngaahi talí.—Sio ki he Ako Fakafaifekau, p. 36-7.]
TUʻUNGA ʻO E LEÁ
1. Ko e hā ʻa e fetūkuaki ʻo e leʻó, pea ko e hā ʻoku mahuʻinga ai iá? [be p. 111, ongo puha]
2. ʻE anga-fēfē nai ʻetau ʻai ke kehekehe ʻa e vave ʻo ʻetau leá ʻi hono fai ha malanga? [be p. 112 puha, pal. 3–p. 113 pal. 1]
3. ʻE lava fēfē ke tau fakatupu ha faivelenga ki he tuʻunga-lea ʻo ʻetau malangá, pea ko e hā ʻoku mahuʻinga ai ení? [be p. 115 pal. 1–p. 116 pal. 2, ngaahi puha]
4. ʻI heʻetau akoʻi ʻa e niʻihi kehé, ko e hā ʻoku ʻikai ala tuku ai ʻa e tuʻunga loto-māfaná, pea ko e hā ʻe lava ke ne tokoniʻi kitautolu ke tau fakahaaʻi iá? [be p. 118 pal. 2–p. 119 pal. 5]
5. Fakamatalaʻi ʻa e mahuʻinga ʻo e fakahaaʻi ʻa e ngaue ʻo e sinó pea mo e matá ʻi he fetuʻutakí. (Mt. 12:48, 49) [be p. 121, ongo puha]
KONGA FIKA 1
6. ʻOku anga-fēfē hono hakeakiʻi ʻe he tohi Siopé ʻa Sihova mo fakahīkihikiʻi ʻa ʻene ngaahi tuʻunga māʻoniʻoni ki he moʻuí? [bsi06 p. 13-14 pal. 39, 41]
7. Ko e hā ʻokú ne fakamoʻoniʻi ʻa e alafalalaʻanga ʻa e Sāmé? [bsi06 p. 16-17 pal. 10-11]
8. ʻI he lave ki ha tokotaha fakapotó, ʻoku fakamatalaʻi ai ʻe he Palovepi 13:16 ia ha taha ʻa ia ʻoku kākā olopoto? Fakamatalaʻi. [w04 7/15 p. 28 pal. 3-4]
9. ʻOku anga-fēfē ʻa e ngāue ʻa e laumālie māʻoniʻoní ko ha tokoní, pea ko e hā ʻoku totonu ke fakalototoʻaʻi kitautolu ke tau faí ʻi hono ʻiloʻi ʻa e meʻá ni? (Sione 14:25, 26) [be p. 19 pal. 2-3]
10. ʻI he ʻuhinga lahi fē ʻoku haʻu ai ʻa Sīsuú, pea ko e “haʻu” fē naʻe ʻuhinga ki ai ʻa Sīsū ʻa ia ʻoku lēkooti ʻi he Mātiu 16:28 (PM)? [w04 3/1 p. 16 puha]
LAU TOHI TAPU FAKAUIKE
11. Ko e hā ʻoku lava ke tau ako mei he tali ʻa Siope kia Sihova ʻoku lave ki ai ʻi he Siope 42:1-6?
12. Ko e hā ʻa e “mea noabe” ʻoku hanganaki fakalaulauloto ki ai ʻa e ngaahi kakaí? (Sāme 2:1, 2, PM)
13. Ko e hā ʻa e ngaahi tuʻunga ʻe ʻauhá? (Sāme 11:3, PM)
14. ʻOku anga-fēfē ʻa e “totogi lahi” ʻo e tokotaha fielahí? (Sāme 31:23, PM)
15. Ko e hā ʻa e fakafiemālie ʻoku lava ke maʻu mei he Sāme 40 ʻa ia ʻe lava ke ne tokoniʻi kitautolu ke tau fekuki mo e taʻehaohaoa ʻo e kakano kuo hingá pea mo e ngaahi fakatamaki kehekehe ʻo e fokotuʻutuʻu ko eni ʻo e ngaahi meʻá? (Sāme 40:1, 2, 5, 12)