Fanongonongo
◼ Tohi ke tuʻuaki ʻi Sanuali: Ko ha tohi pē naʻe pulusi ki muʻa ʻi he 1991. Ki ha toe tuʻuaki, te ke ngāueʻaki nai ʻa e tohi ʻIlo. Fepueli: ʻUnuʻunu Ofi kia Sihova. Ki ha toe tuʻuaki, te ke ngāueʻaki nai ʻa e tohi ʻIlo. Maʻasi: Ko e Hā ʻOku Akoʻi Moʻoni ʻe he Tohi Tapú? ʻEpeleli mo Mē: Fakaʻaliʻali fakatouʻosi ʻa e ngaahi tatau taki taha ʻo e Taua Leʻo mo e ʻĀ Hake! ʻI he toe ʻaʻahi ki he kakai mahuʻingaʻiá, tokangataha ki hono tufa ʻa e tohi Akoʻi ʻe he Tohi Tapú.
◼ Kamata ʻi Fepueli, pea ʻikai toe tōmui ange ʻi Maʻasi 4, ko e malanga maʻá e kakaí ki he kau ʻovasia sēketí ko e “Māmani Foʻou ʻa e ʻOtuá—Ko Hai ʻE Taau ki Aí?”
◼ Ko e foʻi vitiō Young People Ask—What Will I Do With My Life? ʻe fai ʻa e lāulea ki ai ʻi he Fakataha Ngāue ʻo ʻEpelelí. Kapau ʻe fiemaʻu, ʻoku totonu ke kole leva ʻi he vave tahá ha ngaahi tatau ʻo fakafou ʻi he fakatahaʻangá.
◼ ʻOku pulusi ʻetau ʻū tohi faka-Siainá ʻi he lea ʻe ua. Ko e kakai mei Hongo Kongo mo Taiuaní ʻoku nau faʻa lau ʻa e muʻaki leá, ʻa ia ʻoku tau ui ko e “Siaina” (CH). Ko e tokolahi taha ʻo e kau lautohi faka-Siana kehé ʻoku nau faʻa lau ha lea faingofua ʻoku lave ki ai ko e “Siaina Faingofua” (CHS). Koeʻuhi ʻoku kehe ʻa e lea ʻe lautohi ai ha taha ʻo tatau ai pē pe ʻoku lea faka-Kenitoni, Menitelini, pe ko ha lea kehe, ʻoku mahuʻinga ke fakapapauʻi ʻa e lea ʻokú ne filí. Ko e kiʻi tohi ko e Good News for People of All Nations, peesi 19-20, ʻe ngāueʻaki nai ia ki hano fakafehoanaki. ʻI he founga ko ʻení, ʻe kole nai ai ha tohi ʻi he lea totonú.
◼ ʻOku totonu ke fai ʻe he ngaahi fakatahaʻangá ʻa e ngaahi fokotuʻutuʻu feʻungamālie ke kātoangaʻi ai ʻa e Fakamanatu ʻi he taʻu ní ʻi he Mōnite, ʻEpeleli 2, hili e tō ʻa e laʻaá. Neongo ʻe kamata tōmuʻa nai ʻa e malangá, ko hono paasi ʻo e maá mo e uainé ʻoku ʻikai totonu ke kamata ia kae ʻoua kuo tō ʻa e laʻaá. Vakaiʻi mei he ngaahi maʻuʻanga fakamatala fakalotofonuá ke fakapapauʻi ʻa e taimi ʻe tō ai ʻa e laʻaá ʻi ho feituʻú. ʻOku totonu ki he fakatahaʻanga taki taha ke ne fai ʻene kātoanga Fakamanatu ʻaʻana pē. Kae kehe, ʻe ʻikai nai malava maʻu pē eni. ʻI he feituʻu ʻoku ngāueʻaki anga-maheni ai ʻe ha ngaahi fakatahaʻanga ʻa e Fale Fakatahaʻanga tataú, ʻe lava nai ke ngāueʻaki ʻe ha fakatahaʻanga ʻe taha pe lahi ange ha toe fale ʻe taha ki he efiafi ko iá. ʻO ka malava, ʻoku mau fokotuʻu atu ha miniti ʻe 40 ko e siʻisiʻi tahá ia ʻi he vahaʻa ʻo e ngaahi polokalamá koeʻuhi ke maʻu ʻaonga kakato ʻa e tokotaha kotoa mei he kātoangá. ʻOku totonu foki ke fai ha fakakaukau ki he ngaahi tuʻunga fefonongaʻakí pea mo e tauʻanga meʻalelé, ʻo kau ai ʻa hono fakahifo mo hono fakaheka ʻo e kau pāsesé. ʻOku totonu ke fakapapauʻi ʻe he kulupu ʻo e kau mātuʻá ʻa e ngaahi fokotuʻutuʻu ʻe lelei taha fakalotofonuá.
◼ Ko e kau sekelitali ʻa e fakatahaʻangá ʻoku totonu ke nau fakapapauʻi ʻoku nau maʻu ha tohi fakanofo tāimuʻa (S-202) maʻá e tāimuʻa tuʻumaʻu taki taha ʻi he fakatahaʻangá. Kapau ʻoku ʻikai ke nau maʻu ia, ʻoku totonu ke nau tohi ʻo fakahā ki he ʻōfisi vaʻá.