Fanongonongo

◼ Tohi ke tuʻuaki ʻi Siulai mo ʻAokosi: ʻE lava ke tuʻuaki ha polosiua feʻungamālie pē. Sepitema: Ko e Hā ʻOku Akoʻi Moʻoni ʻe he Tohi Tapú? ʻOkatopa: Fakaʻaliʻali fakatouʻosi ʻa e tatau taki taha ʻo e Taua Leʻo mo e ʻĀ Hake! Ki ha toe tuʻuaki ʻe taha, te ke ngāueʻaki nai ʻa e tuleki Te Ke Saiʻia ke ʻIlo Lahi Ange ki he Tohitapú?

◼ Koeʻuhi ʻoku ʻi ai ʻa e fakaʻosinga uike kakato ʻe nima ʻi Sepitema, ʻe hoko ia ko ha māhina lelei ʻaupito ki he tāimuʻa tokoní.

◼ Kamata ʻi Sepitema, ʻe fai ai ʻe he kau ʻovasia sēketí ʻa e malanga maʻá e kakaí ʻoku fakakaveinga “Ko e Hā ʻOkú Ne Fakaʻilongaʻi ʻOku Alafalalaʻanga ʻa e Tohi Tapú?”

◼ ʻOku fokotuʻu mai ko e ngaahi tohi kole ki he ngāue tāimuʻa tuʻumaʻú ke ʻave ia ki he ʻōfisi vaʻá ʻo ʻikai toe siʻi hifo he ʻaho ʻe 30 ki muʻa ʻi he ʻaho naʻe kole ke kamata aí. ʻOku totonu ke vakaiʻi ʻe he sekelitali ʻa e fakatahaʻangá ʻa e ngaahi fōmú ke fakapapauʻi ʻoku kakato. Kapau ʻe ʻikai lava ʻa e kau tohi kolé ʻo manatuʻi ʻa e ʻaho totonu ʻo ʻenau papitaisó, ʻoku totonu ke nau fakafuofuaʻi ʻa e ʻahó pea tauhi hano lēkooti. ʻOku totonu ke hikiʻi ʻe he sekelitalí ʻa e ʻaho ko ení ʻi he kaati Congregation’s Publisher Record (S-21).

◼ Ko e fakamatala fakataʻu ʻo e ngaahi tohi mo e ngaahi makasini kotoa pē ʻoku kei maʻú ʻoku totonu ke ʻosi ki ʻAokosi 31, 2007, pe ko e ofi taha ki ai ʻoku ala lavá. Ko e fakamatala ko ení ʻoku meimei tatau ia mo e lau ʻa e lahi ʻo e ngaahi tohí tonu ʻoku fai ʻi he māhina taki taha ʻe he kouʻotineita ki he ʻū tohí, pea ko e fakakātoá ʻoku totonu ke fakahū ki he foomu Literature Inventory (S-18). Ko e fika fakakātoa ʻo e ngaahi makasini ʻoku kei toé ʻoku totonu ke maʻu ia mei he (kau) sevāniti makasiní. ʻOku totonu ki he sekelitali ʻo e fakatahaʻanga tokangaʻi ʻū tohí ke ne vakaiʻi ʻa e fakamatalá. Ko ia mo e ʻovasia tauhi ʻo e fakatahaʻanga tokangaʻi ʻū tohí te na fakamoʻoni ʻi he fōmú. Ko e fakatahaʻanga tokangaʻi ʻū tohi taki taha te ne maʻu ʻa e foomu Literature Inventory ʻe tolu. Kātaki ʻo meiliʻi ʻa e ʻuluaki tataú ki he ʻōfisi vaʻá ʻo ʻikai toe tōmui ʻi Sepitema 6. Tauhi ha tatau ki hoʻomou ngaahi failé. ʻE ngāueʻaki nai ʻa e tatau hono tolú ko ha pepa ngāue.