Fakamanatu Ako Fakafaifekau Fakateokalati

Ko e ngaahi fehuʻi ko ení ʻe lāulea ki ai ʻi he Ako Fakafaifekau Fakateokalatí lolotonga ʻa e uike kamata ʻi ʻOkatopa 29, 2007. ʻE fai ʻe he ʻovasia akó ha fakamanatu miniti ʻe 30 ʻo makatuʻunga he fakamatala naʻe kāpui ʻi he ngaahi konga ki he uike ʻo Sepitema 3 ki ʻOkatopa 29, 2007.

TUʻUNGA LEA

1. Ko e hā ko ha founga faiako mahuʻinga ai ʻa e toe leá? [be p. 206 pal. 1-2, puha]

2. ʻI he ngaahi founga fē ʻe lava ke tau fakamamafaʻi ai ʻa e kaveinga ʻo ha malanga? [be p. 210, puha]

3. Ko e hā ʻa e ngaahi poini tefito ʻo ha malanga, pea ko e hā ʻokú ne tataki ʻetau filifili iá? [be p. 212 pal. 1-3]

4. Ko e hā ʻoku ʻikai totonu ai ke fuʻu lahi ʻetau ngaahi poini tefitó ʻi ha malanga? [be p. 213 pal. 2-4]

5. Ko e hā ʻoku mahuʻinga ai ke langaʻi ʻa e mahuʻingaʻiá ʻi heʻetau talateú, pea ʻe lava fēfē ke fai eni? [be p. 215 pal. 1; p. 216 pal. 1-3, puha]

KONGA FIKA 1

6. ʻOku anga-fēfē hono tokoniʻi kitautolu ʻe he Sāme 119:89, 90 ke tau mahinoʻi ʻe lava ke tau falala ki he folofola ʻa e ʻOtuá? [w05 4/15 p. 15 pal. 3]

7. Ko e hā ʻoku fakamamafaʻi ʻe he tohi ʻa Isikelí, pea ko e hā ʻe iku ki he faʻahinga ʻoku nau fakamāʻoniʻoniʻi he taimí ni ʻa Sihova ʻi heʻenau moʻuí? [bsi07 p. 8 pal. 33]

8. ʻOku lava fēfē ke maluʻi hotau lotó ʻe he “folofola a Jihova”? (Sāme 18:30, PM) [w05 9/1 p. 30 pal. 2]

9. ʻOku anga-fēfē hono fakamamafaʻi ʻa e ʻamanaki ʻo e Puleʻangá ʻi he kotoa ʻo e tohi Tanielá? [bsi07 p. 10 pal. 23]

10. ʻOku anga-fēfē hono fakaivimālohiʻi ʻe he tohi Hoseá ʻetau tui ki he ngaahi kikite fakamānavaʻi ʻa Sihová? [bsi07 p. 14 pal. 14]

LAU TOHI TAPU FAKAUIKE

11. Ko e hā naʻe fakahaaʻi ʻi hono fua ʻo e temipalé ʻi he vīsone ʻa ʻIsikelí, pea ko e hā ʻa e fakapapau ʻoku ʻomai ʻe he meʻá ni kia kitautolu he ʻaho ní? (Isi. 40:2-5) [w99 3/1 p. 9 pal. 6; p. 14 pal. 7]

12. ʻI he fakahoko fakaʻosi ʻo e vīsone ʻa ʻIsikelí, ko hai ʻa e “ʻeiki”? (Isi. 48:21) [w99 3/1 p. 16 pal. 13-15; p. 22-3 pal. 19-20]

13. Ko e hā ʻa e ʻuhinga ʻo e Taniela 2:21? [w98 9/15 p. 12 pal. 9]

14. Ko e hā naʻá ne ʻai ʻa Taniela ke “ʻofeina lahi” ʻi he vakai mai ʻa Sihová? (Tan. 9:23) [dp-E p. 185 pal. 12; w04 8/1 p. 12 pal. 17]

15. ʻI he ʻuhinga fē naʻe ʻikai ai “ha ʻilo ʻo e ʻOtua ʻi he fonua” ko ʻIsilelí, pea ʻoku totonu ke fēfē ʻetau vakai fakafoʻituitui ki he ngaahi lea ko iá? (Ho. 4:1, 2, 6) [w05 11/15 p. 21 pal. 21; jd-E p. 57-8 pal. 5; p. 61 pal. 10]