Fanongonongo

◼ Tohi ke tuʻuaki ʻi Sanuali: ʻIlo ʻA Ia ʻOku Taki Atu ki he Moʻui Taʻengatá pe ko ha tohi peesi ʻe 192 pē ʻi he sitoká. Ki ha toe tuʻuaki te ke ngāueʻaki nai ʻa e polosiua Hanganaki Leʻo! Fepueli: Ko e Fakapulipuli ʻo e Fāmili Fiefiá. Maʻasi: Ko e Hā ʻOku Akoʻi Moʻoni ʻe he Tohi Tapú? ʻEpeleli mo Mē: Fakaʻaliʻali fakatouʻosi ʻa e ngaahi tatau taki taha ʻo e Taua Leʻo mo e ʻĀ Hake!

◼ Koeʻuhi ʻoku ʻi ai ʻa e ngaahi fakaʻosinga uike kakato ʻe nima ʻi Maʻasi, ʻe hoko ia ko ha māhina lelei ʻaupito ke tāimuʻa tokoni ai.

◼ Kamata ʻi Fepueli, pea ʻikai tōmui ʻi Maʻasi 2, ko e malanga foʻou maʻá e kakaí ki he kau ʻovasia sēketí ko e “ʻE Lava Ke Ke Maʻu mei Fē ha Tokoni ʻi he Taimi ʻo e Faingataʻá?”

◼ ʻOku totonu ke fai ʻe he ngaahi fakatahaʻangá ʻa e ngaahi fokotuʻutuʻu feʻungamālie ke kātoangaʻi ai ʻa e Fakamanatu ʻi he taʻu ní ʻi he Tokonaki, Maʻasi 22, hili e tō ʻa e laʻaá. Neongo ʻe kamata tōmuʻa nai ʻa e malangá, ko hono paasi ʻo e maá mo e uainé ʻoku ʻikai totonu ke kamata ia kae ʻoua kuo tō ʻa e laʻaá. Vakaiʻi mei he ngaahi maʻuʻanga fakamatala fakalotofonuá ke fakapapauʻi ʻa e taimi ʻe tō ai ʻa e laʻaá ʻi ho feituʻú. ʻOku totonu ki he fakatahaʻanga taki taha ke ne fai ʻene kātoanga Fakamanatu ʻaʻana pē. Kae kehe, ʻe ʻikai nai malava maʻu pē eni. ʻI he feituʻu ʻoku ngāueʻaki anga-maheni ai ʻe ha ngaahi fakatahaʻanga ʻa e Fale Fakatahaʻanga tataú, ʻe lava nai ke ngāueʻaki ʻe ha fakatahaʻanga ʻe taha pe lahi ange ha toe fale ʻe taha ki he efiafi ko iá. ʻO ka malava, ʻoku mau fokotuʻu atu ha miniti ʻe 40 ko e siʻisiʻi tahá ia ʻi he vahaʻa ʻo e ngaahi polokalamá koeʻuhi ke maʻu ʻaonga kakato ai ʻa e tokotaha kotoa mei ha feohi hili ʻa e Fakamanatú. ʻOku totonu foki ke fai ha fakakaukau ki he ngaahi tuʻunga fefonongaʻakí pea mo e tauʻanga meʻalelé, ʻo kau ai ʻa hono fakahifo mo hono fakaheka ʻo e kau pāsesé. ʻOku totonu ke fakapapauʻi ʻe he kulupu ʻo e kau mātuʻá ʻa e ngaahi fokotuʻutuʻu ʻe lelei taha fakalotofonuá.

◼ Ko e kau sekelitali ʻa e fakatahaʻangá ʻoku totonu ke nau fakapapauʻi ʻoku nau maʻu ha tohi fakanofo tāimuʻa (S-202) maʻá e tāimuʻa tuʻumaʻu taki taha ʻi he fakatahaʻangá. Kapau ʻoku ʻikai ke nau maʻu ia, ʻoku totonu ke nau tohi ʻo fakahā ki he ʻōfisi vaʻá.

◼ ʻI Nōvema 11, 2007, naʻe fokotuʻu ai ha fakatahaʻanga foʻou ʻo e kau malanga ʻe toko 81 ʻi Nelson. ʻI he mavahe mei he Fakatahaʻanga Richmond, ʻoku ʻiloa ʻa e fakatahaʻanga foʻoú ko e Fakatahaʻanga Stoke, ʻi Nelson. ʻOku ʻalu hake ai ʻa e tokolahi fakakātoa ʻo e ngaahi fakatahaʻanga ʻi Nuʻu Silá ki he 171.