Fanongonongo

◼ Tohi ke tuʻuaki ʻi Siulai mo ʻAokosi: Ko e Hā ʻOku Fiemaʻu ʻe he ʻOtuá Meiate Kitautolú? Sepitema: Ko e Hā ʻOku Akoʻi Moʻoni ʻe he Tohi Tapú? ʻOkatopa: Fakaʻaliʻali fakatouʻosi ʻa e ngaahi tatau tāutaha ʻo e Taua Leʻo mo e ʻĀ Hake! ʻI he hā mai ha mahuʻingaʻia, tuʻuaki ʻa e tuleki Te Ke Saiʻia ke ʻIlo Lahi Ange ki he Tohi Tapú?

◼ Koeʻuhi ʻoku ʻi ai ʻa e fakaʻosinga uike kakato ʻe nima ʻi ʻAokosi, ʻe hoko ia ko ha māhina lelei ʻaupito ki he tāimuʻa tokoní.

◼ Kamata ʻi Sepitema, ʻe fai ai ʻe he kau ʻovasia sēketí ʻa e malanga maʻá e kakaí ʻa ia ʻoku fakakaveinga “ʻAʻeva ʻi he Hala ʻo e Anga-Tonú.”

◼ ʻOku ʻikai ke ʻomai ʻe he ʻōfisi vaʻá ʻa e ngaahi kole tohi ʻa ha tokotaha malanga tāutaha. ʻOku totonu ki he ʻovasia tauhí ke ne fokotuʻutuʻu ke fai ha fanongonongo ʻi he māhina taki taha ki muʻa ke ʻoatu ʻa e kole tohi fakamāhina ʻa e fakatahaʻangá ki he ʻōfisi vaʻá, koeʻuhi ke tala ʻe kinautolu kotoa ʻoku mahuʻingaʻia ke maʻu ha ngaahi tohi fakafoʻituituí ki he tokoua ʻokú ne tokangaʻi ʻa e ngaahi tohí. Kātaki ʻo manatuʻi ʻa e ngaahi tohi ko ia ʻoku fai ʻa e kole makehe ki aí.

◼ Ko e fakamatala fakataʻu ʻo e ngaahi tohi mo e ngaahi makasini kotoa pē ʻoku kei maʻú ʻoku totonu ke ʻosi ki ʻAokosi 31, 2008, pe ko e ofi taha ki ai ʻoku ala lavá. Ko e fakamatala ko ení ʻoku meimei tatau ia mo e lau ʻa e lahi ʻo e ngaahi tohí tonu ʻa ia ʻoku fai ʻi he māhina taki taha ʻe he kouʻotineita ki he ʻū tohí, pea ko e fakakātoá ʻoku totonu ke fakahū ki he foomu Literature Inventory (S-18). Ko e fika fakakātoa ʻo e ngaahi makasini ʻoku kei toé ʻoku totonu ke maʻu ia mei he (kau) sevāniti makasiní. ʻOku totonu ki he sekelitali ʻo e fakatahaʻanga tokangaʻi ʻū tohí ke ne vakaiʻi ʻa e fakamatalá. Ko ia mo e ʻovasia tauhi ʻo e fakatahaʻanga tokangaʻi ʻū tohí te na fakamoʻoni ʻi he fōmú. Ko e fakatahaʻanga tokangaʻi ʻū tohi taki taha te ne maʻu ʻa e foomu Literature Inventory ʻe tolu. Kātaki ʻo meiliʻi ʻa e ʻuluaki tataú ki he ʻōfisi vaʻá ʻo ʻikai toe tōmui ʻi Sepitema 6. Tauhi ha tatau ki hoʻomou ngaahi failé. ʻE ngāueʻaki nai ʻa e tatau hono tolú ko ha pepa ngāue.

◼ ʻOku totonu ke ngāueʻaki ʻa e tohi Akoʻi ʻe he Tohi Tapú ke kamata mo fakahokoʻaki ʻa e ngaahi ako Tohi Tapú kae ʻikai ko e polosiua Fiemaʻu. ʻE hokohoko atu ʻa hono tufa ʻo e polosiua Fiemaʻu kae ʻoua ke ʻosi atu ʻa e sitoka ko iá.