Fakamanatu Ako ʻo e Fakafaifekau Fakateokalatí
Ko e ngaahi fehuʻi ko ení ʻe lāulea ki ai ʻi he Ako Fakafaifekau Fakateokalatí lolotonga ʻa e uike kamata ʻi Fepueli 23, 2009. ʻE fai ʻe he ʻovasia akó ha fakamanatu miniti ʻe 20 ʻo makatuʻunga he fakamatala naʻe kāpui ʻi he ngaahi konga ki he uike ʻo Sanuali 5 ki Fepueli 23, 2009.
1. Naʻe lava fēfē ke faʻu ʻe he ʻOtuá ʻa e māmá ʻi he ʻuluaki ʻahó kapau ko e ngaahi maamaʻangá naʻe toki ngaohi ia ʻi he ʻaho hono faá? (Sen. 1:3, 16) [w04 1/1 p. 28 pal. 5]
2. Ko e hā ʻoku fakahaaʻi mai ʻe he moʻoniʻi meʻa naʻe ʻikai ke tala ʻe Sihova kia Noa ke ne pule ki he māmaní ʻo hangē ko ia naʻá ne tala kia ʻĀtama naʻe haohaoá? (Sen. 9:1) [it-2-E p. 1095 pal. 6]
3. Naʻe kamata ngāue ʻanefē ʻa e fuakava ʻia ʻĒpalahamé, pea ko e hā hono lōloá? (Sen. 12:1-4) [w04 1/15 p. 26 pal. 4; w01 8/15 p. 17 pal. 13]
4. Ko e hā ʻokú ne fakamoʻoniʻi ne ʻikai aʻusia ʻe Nimilote mo e faʻahinga naʻe muimui ʻi heʻene tatakí ʻa e taumuʻa ke ʻai ke ‘ʻiloa honau hingoá’? (Sen. 11:4) [w98 3/15 p. 25]
5. Koeʻuhi ʻoku ui ʻa Lote ko ha tangata “maʻoniʻoni” ʻi he 2 Pita 2:7, ko e hā nai naʻá ne ʻoatu ai hono ongo ʻofefiné ki he fuʻu kakai fulikivanú? (Sen. 19:8) [w05 2/1 p. 26 pal. 15-16; w04 1/15 p. 27 pal. 3]
6. Koeʻuhi ʻoku totonu ke tokanga ʻa e ngaahi husepāniti anga-fakaʻotuá ki heʻenau ngaahi meʻá, ko e hā naʻe fekau atu ai ʻe ʻĒpalahame ʻa Hekaʻā mo ʻIsimeʻeli ki he toafá? (Sen. 21:10-21; 1 Tim. 5:8) [w88 6/1 p. 31]
7. Ko e hā ʻa e lēsoni ʻe lava ke tau ako mei he feinga ʻa ʻEliesa ke fai ʻa e ngaahi meʻá ʻi he founga ʻa Sihová ʻi hono kumi ha uaifi ʻo ʻAisaké? (Sen. 24:14, 15, 17-19, 26, 27) [w97-E 1/1 p. 31 pal. 2]
8. Ko e hā ʻa e ʻuhinga ʻo e misi ʻa Sēkope ʻa ia naʻá ne mamata ai ki he kau ʻāngelo ‘ʻoku ʻalu hake mo ʻalu hifo ʻi ha tuʻungá’? (Sen. 28:10-13) [w03 10/15 p. 29 pal. 1; it-2-E p. 189]
9. Ko e hā naʻe fuʻu tokanga ai ʻa Lesieli ke maʻu ʻa e ʻakau fakafanau ʻa e tama ʻa Liá? (Sen. 30:14, 15) [w04 1/15 p. 28 pal. 6]
10. ʻOku anga-fēfē hoko ʻa e faʻifaʻitakiʻanga ʻa Sēkopé ko ha faʻifaʻitakiʻanga lelei ʻi hono fakaleleiʻi ʻa e ngaahi fekīhiaki fakafoʻituituí? (Sen. 33:3, 4) [g82-E 2/22 p. 19 pal. 8-10]