Fanongonongo

◼ Tohi ke tuʻuaki ki ʻEpeleli mo Mē: Fakaʻaliʻali fakatouʻosi ʻa e tatau taki taha ʻo e Taua Leʻo mo e ʻĀ Hake! Ki ha toe tuʻuaki kehe, ʻe lava ke ke ngāueʻaki ʻa e tohi Ko e Hā ʻOku Akoʻi Moʻoni ʻe he Tohi Tapú? Sune: Ko e Hā ʻOku Akoʻi Moʻoni ʻe he Tohi Tapú? Ki ha toe tuʻuaki kehe, ʻe lava ke ke ngāueʻaki ʻa e tohi ʻIlo ʻA Ia ʻOku Taki Atu ki he Moʻui Taʻengatá. Siulai mo ʻAokosi: Ko e polosiua Hanganaki Leʻo! pe Ko e Hā ʻOku Fiemaʻu ʻe he ʻOtuá Meiate Kitautolú?

◼ ʻE fai ha feinga fakamātoato ke tuʻuaki ʻa e ngaahi fakataha-lahi fakavahe mo fakavahaʻapuleʻanga ʻa ia ʻe fai ʻi māmani lahi ʻi he 2009. ʻE maʻu ʻe he kau malangá ʻa e faingamālie ke tufaki ʻi honau feituʻu ngāué ha lauʻipepa-tuʻuaki makehe. Ko e feingangāué ʻoku totonu ke fai ia lolotonga ʻa e uike ʻe tolu ki muʻa ʻi he taimi kuo vaheʻi ki he fakataha-lahi ʻa e fakatahaʻangá.

◼ ʻE ʻoatu ʻa e ngaahi kaati fakaʻilonga ki he kau malanga kotoa pē fakafou ʻi he fakatahaʻangá. ʻE ngāueʻaki ʻe he kau fakafofonga ki he fakataha-lahi fakavahaʻapuleʻangá ʻa e kaati fakaʻilonga tatau.