Fakamanatu ʻo e Ako Fakafaifekau Fakateokalatí

Ko e ngaahi fehuʻi ko ení ʻe lāulea ki ai ʻi he Ako Fakafaifekau Fakateokalatí.

1. Ko e hā ʻe lava ke tau ako mei he fakataputapui ʻoku maʻu ʻi he Ekisoto 23:19? [w06 4/1 p. 31 pal. 1-5]

2. Ko e hā ʻa e ʻŪlimí mo e Tūmemí, pea naʻe anga-fēfē hono ngāueʻaki kinaua ʻi ʻIsileli ʻo e kuonga muʻá? (Eki. 28:30) [w06 1/15 p. 18; w01 9/1 p. 27]

3. Naʻe anga-fēfē ʻa e fefolofolai “mata ki he mata” ʻa Sihova mo Mōsesé? (Eki. 33:11, 20, PM) [w04 3/15 p. 27]

4. Ko e hā ʻa e lēsoni ʻe lava ke tau ako mei he nima-homo ʻa e kau ʻIsilelí ʻi heʻenau foaki ʻa e ngaahi meʻa fakamatelie pea ngāueʻaki ʻenau pōtoʻí ke langa ʻa e tāpanekalé? (Eki. 35:5, 10) [w99 11/1 p. 31 pal. 1-2]

5. Ko e hā ʻoku fakatātaaʻi ʻe he puipui ʻi he temipale fakalaumālie lahi ʻo e ʻOtuá, ʻa ia ʻoku lave ki ai ʻa e Ekisoto 40:28? [w00 1/15 p. 15 pal. 7-8]

6. Ko e hā ʻa e tafaʻaki ʻo e feilaulau ʻa Sīsuú ʻoku ʻomai ki heʻetau tokangá ʻe he “feilaulau tutu,” ʻa ia naʻe foaki ʻi he tuʻunga kakato he ʻōlitá? (Liv. 1:13) [w04 5/15 p. 21 pal. 3]

7. Ko e hā ʻa e moʻoniʻi meʻa ʻoku maongo kiate kitautolu ʻi he pehē “oku a Jihova ae gako kotoabe”? (Liv. 3:16, 17, PM) [w04 5/15 p. 22 pal. 2]

8. Ko e hā ʻa e ʻuhinga ʻo hono ʻai ha meʻi toto ʻo ha sipi tangata ki he telinga toʻomataʻu, nima toʻomataʻu mo e vaʻe toʻomataʻu ʻo ʻĒlone mo hono ngaahi fohá? (Liv. 8:23, 24) [it-2-E p. 1113 pal. 4]

9. Ko e hā ʻa e fakamaama ʻe lava ke tau maʻu mei he Livitiko 12:8 fekauʻaki mo hono ʻohake ʻo Sīsuú, pea ko e hā ʻa e lēsoni ʻe lava ke tau ako mei hení? [w98 12/15 p. 6 pal. 5]

10. Naʻe anga-fēfē ʻa e tuʻu fakataipe ʻa hono ngāueʻaki ʻo e feilaulau huhuʻi ʻa Sīsuú ki he ʻAho ʻo e Fakalelei fakataʻu ʻa ʻIsilelí? (Liv. 16:11-16) [w98 2/15 p. 12 pal. 2]