Fanongonongo

◼ Tohi ke tuʻuaki ʻi ʻOkatopa: Fakaʻaliʻali fakatouʻosi ʻa e tatau ʻo e makasini Taua Leʻo mo e ʻĀ Hake! ʻI hono fakahaaʻi ha mahuʻingaʻia, tuʻuaki ʻa e tuleki Te Ke Fieʻilo ki he Moʻoní? Nōvema: Ko e Hā ʻOku Akoʻi Moʻoni ʻe he Tohi Tapú? Ki ha toe tuʻuaki kehe, ʻe lava ke ke ngāueʻaki ʻa e tohi ʻIlo ʻA Ia ʻOku Taki Atu ki he Moʻui Taʻengatá. Tīsema: Ko e Moʻungaʻi Tangata Lahi Taha Kuo Moʻui Maí. Ki ha toe tuʻuaki kehe, ʻe lava ke ke ngāueʻaki ʻa e tohi Ako mei he Faiako Lahí. Sanuali: Ko e Hā ʻOku Akoʻi Moʻoni ʻe he Tohi Tapú? Ki ha toe tuʻuaki kehe, ʻe lava ke ke ngāueʻaki ʻa e tohi ʻIlo ʻA Ia ʻOku Taki Atu ki he Moʻui Taʻengatá, pe ko ha tohi peesi 192 pē ʻoku ʻi he sitoka ʻa e fakatahaʻangá.

◼ Ko e Taimi-Tēpile Ako Fakafaifekau Fakateokalati fakataʻú heʻikai kei ʻomai ia ko ha konga fakalahi ʻi he Ko ʻEtau Ngāue fakafaifekau. ʻI hono kehé, ʻe maʻu ʻe he fakatahaʻanga taki taha ʻa e ʻa e taimi-tēpile fakataʻú, pea ko e tatau ʻe taha ʻo e taimi-tēpilé ʻe fokotuʻu ia ʻi he papa fakahinohino ʻi he Fale Fakatahaʻangá. Ko ha tatau ʻe taha ʻe tauhi ia ʻe he ʻovasia ʻo e akó ke ne ngāueʻaki ʻi heʻene vahe ʻa e ngaahi kongá. ʻE hokohoko atu hono maʻu ʻe he kau malangá ʻenau tatau fakafoʻituitui ʻo e Ko ʻEtau Ngāue fakafaifekau ʻi he māhina taki taha, pea ʻe fakahaaʻi ai ʻa e taimi-tēpile ki he Ako Tohi Tapu fakauike ʻa e Fakatahaʻangá, ko e Ako Fakafaifekau Fakateokalatí, pea mo e Fakataha Ngāué.

◼ Kamata ʻi he uike ʻo Maʻasi 1, 2010, ko e tohi “ʻUnuʻunu Ofi kia Sihova” ʻe lāulea ki ai ʻi he Ako Tohi Tapu ʻa e Fakatahaʻangá. Ko e ngaahi fakatahaʻanga ʻoku nau fiemaʻu ha tokonaki ʻo e ʻū tohí ni ʻoku totonu ke nau kole ia ʻi heʻenau kole tohi hono hokó.