Fanongonongo

◼ Tohi ke tuʻuaki ʻi Sepitema: Ko e Hā ʻOku Akoʻi Moʻoni ʻe he Tohi Tapú? Feinga ke kamata ʻa e ngaahi ako Tohi Tapu ʻi he ʻuluaki ʻaʻahí. ʻOkatopa: Fakaʻaliʻali ʻa e tatau taki taha ʻo e Taua Leʻo mo e ʻĀ Hake! ʻI hono fakahāhā ha mahuʻingaʻia, tuʻuaki ʻa e tuleki Te Ke Fieʻilo ki he Moʻoní? Nōvema: Ko ha polosiua feʻungamālie pē: Hanganaki Leʻo!, Ko e Hā ʻOku Fiemaʻu ʻe he ʻOtuá Meiate Kitautolú? pe “Vakai! ʻOku Ou Fakafoʻou ʻa e Meʻa Kotoa Pe.” Tīsema: Ko e Moʻungaʻi Tangata Lahi Taha Kuo Moʻui Maí.

◼ Ko e malanga makehe maʻá e kakaí ki he faʻahitaʻu Fakamanatu 2011 ʻe fai ia lolotonga ʻa e uike ʻo ʻEpeleli 25, 2011. ʻE toki fanongonongo atu ʻamui ʻa e kaveinga ʻo e malangá. Ko e ngaahi fakatahaʻanga ko ia ʻe ʻaʻahi ki ai ʻa e ʻovasia sēketí pe fai haʻanau ʻasemipilī ʻi he fakaʻosinga uike ko iá te nau fai ʻa e malanga makehé ʻi he uike hoko mai aí. ʻOku ʻikai totonu ke fai ʻe ha fakatahaʻanga ʻa e malanga makehé ki muʻa ʻi he ʻaho 25 ʻo ʻEpelelí.