Fanongonongo

◼ Tohi ke tuʻuaki ʻi Sepitema: Ko e Hā ʻOku Akoʻi Moʻoni ʻe he Tohi Tapú? Feinga ke kamata ha ngaahi Ako Tohi Tapu ʻi he ʻuluaki ʻaʻahí. Kapau kuo ʻosi maʻu ʻe he faʻahinga ʻo e ʻapí ʻa e tohí pea ʻikai tali ʻa e tuʻuaki ha ako Tohi Tapu, ʻe tuʻuaki nai ʻe he kau malangá ha makasini motuʻa ange pe ko ha polosiua pē ʻokú ne feau e mahuʻingaʻia ʻa e tokotahá. ʻOkatopa: Ko e makasini Taua Leʻo mo e ʻĀ Hake! Kapau ʻe hā ha mahuʻingaʻia, tuʻuaki ʻa e tuleki Te Ke Fieʻilo ki he Moʻoní? pea feinga ke kamata ha ako Tohi Tapu. Nōvema: Ko ha polosiua peesi ʻe 32 pē ʻoku fakamānako ki he kakai he komiunitií. Tīsema: Ko e Moʻungaʻi Tangata Lahi Taha Kuo Moʻui Maí. Kapau ʻoku ʻi ai ha fānau ʻi he ʻapí, tuʻuaki ʻa e Ako mei he Faiako Lahí.

◼ Ko e malanga makehe maʻá e kakaí ki he faʻahitaʻu Fakamanatu 2012 ʻe fai ia lolotonga ʻa e uike ʻo ʻEpeleli 2. Ko e kaveinga ʻo e malangá ʻe fanongonongo atu ia ʻamui. ʻOku ʻikai totonu ke fai ʻe ha fakatahaʻanga ʻa e malanga makehé ki muʻa ʻi he Fakamanatú.

◼ Ko e kau malanga ʻe tāimuʻa tokoni lolotonga ʻa Maʻasi 2012 te nau fai ʻa e fili ke ngāueʻi ha houa ʻoku fiemaʻu ʻe 30 pe 50 ʻi he māhiná. ʻIkai ko ia pē, kapau ʻoku ʻaʻahi ʻa e ʻovasia sēketí ki he fakatahaʻangá ʻi Maʻasi, ko e faʻahinga kotoa ʻoku ngāue ko e kau tāimuʻa tokoní, pe ko ha houa ʻe 30 pe 50 ʻoku fiemaʻú, ʻoku fakaafeʻi atu ke nau kau ki he kotoa ʻo e fakataha ʻoku fai ʻe he ʻovasia sēketí mo e kau tāimuʻa tuʻumaʻú.

◼ ʻI Sepitema, naʻe kamata fai ai ʻe he kau ʻovasia sēketí ʻa e malanga maʻá e kakaí ʻoku fakakaveinga ko e “Fāʻūtaha mo e Kakai Fiefia ʻa e ʻOtuá.”

◼ Ko e ʻū fale ʻo e vaʻá ʻi Manurewa, ʻe tāpuni ia ki hano fakamaʻa fakaʻāuliliki ʻi he Falaite, Sepitema 30, 2011. ʻE ʻikai ʻi ai ha ngaahi fokotuʻutuʻu ki ha ʻaʻahi ʻi he ʻaho ko iá.