Fanongonongo

◼ Tohi ke tuʻuaki ʻi Nōvema: Ko ha polosiua peesi ʻe 32 pē ʻa ia ʻoku fakamānako ki he kakai ʻi he komiunitií. Tīsema: Ko e Moʻungaʻi Tangata Lahi Taha Kuo Moʻui Maí. Kapau ʻoku ʻi ai ha fānau ʻi he ʻapí, tuʻuaki ʻa e Ako mei he Faiako Lahí. Sanuali: Ko e Hā ʻOku Akoʻi Moʻoni ʻe he Tohi Tapú? Feinga ke kamata ha ngaahi ako Tohi Tapu ʻi he ʻuluaki ʻaʻahí. Kapau ʻoku ʻosi maʻu ʻe he faʻahinga ʻi he ʻapí ʻa e tohí pea ʻikai te nau tali ʻa e tuʻuaki ʻo ha ako Tohi Tapu, ʻe tuʻuaki nai ʻe he kau malangá ha makasini motuʻa ange pe ko ha polosiua pē ʻoku fekauʻaki mo e meʻa ʻoku mahuʻingaʻia ai ʻa e tokotahá. Fepueli: Ko e Fakapulipuli ʻo e Fāmili Fiefiá pe ko ha tohi peesi ʻe 192 pē kuo pulusi ʻi ha pepa ʻoku ʻikai fakalanu pe ko ha tohi pē kuo pulusi ki muʻa ʻi he 1995.

◼ Ko e ngaahi tokoni ki he ngāue ʻo e Puleʻangá ʻa ē ʻoku fiemaʻu ki ai ha tali totongí ʻoku totonu ke ʻai ia ki he “Watch Tower Society.” Ko ha taha pē ʻoku fakaʻamu ke fokotuʻu ha tokoni tuʻumaʻu ʻoku totonu ke telefoni, pe tohi ki he Watch Tower Society, PO Box 75142, Manurewa, Auckland 2243.