Fanongonongo

◼ Tohi ke tuʻuaki ʻi ʻEpeleli mo Mē: Ko e makasini Taua Leʻo mo e ʻĀ Hake! ʻI he taimi ʻoku hā mai ai ha mahuʻingaʻiá, tuʻuaki ʻa e tuleki Te Ke Fieʻilo ki he Moʻoní? pea feinga mālohi ke kamata ha ako Tohi Tapu. ʻI he taimi ʻoku fai ai ha ngaahi toe ʻaʻahi ki he faʻahinga naʻa nau maʻu ʻa e Fakamanatú pe ko e ngaahi fakataha fakateokalati kehé ka ʻoku ʻikai te nau feohi longomoʻui mo e fakatahaʻangá, tokangataha ki hono kamata ha ngaahi ako ʻo ngāueʻaki ʻa e tohi Akoʻi ʻe he Tohi Tapú. Sune: Ko e Hā ʻOku Akoʻi Moʻoni ʻe he Tohi Tapú? Feinga mālohi ke kamata ha ngaahi ako Tohi Tapu ʻi he fuofua ʻaʻahí. Kapau kuo ʻosi maʻu ʻe he faʻahinga ʻo e ʻapí ʻa e tohí pea ʻikai ke nau tali ʻa e tuʻuaki atu ha ako Tohi Tapú, ʻe lava ke tuʻuaki ʻe he kau malangá ha makasini motuʻa ange pe ko ha polosiua pē ʻokú ne feau ʻa e mahuʻingaʻia ʻa e tokotahá. Siulai: ʻE lava ke ngāueʻaki ha taha ʻo e ngaahi polosiua peesi ʻe 32 ko ení: Kau Fakamoʻoni ʻa Sihová—Ko Hai Kinautolu? Ko e Hā ʻOku Nau Tui ki Aí?, Laumālie ʻo e Kau Maté—ʻOku Malava ke Nau Tokoniʻi Koe pe Uesia Koe? ʻOku Nau ʻI Ai Moʻoni?, Ko e Puleʻanga Te ne ʻOmai ʻA e Palataisi, mo e ʻE Lava Ke Ke Hoko ko e Kaumeʻa ʻo e ʻOtuá!

◼ Ko e taimi-tēpile fakataha ki he uike ki muʻa ʻi hoʻomou fakataha-lahi fakavahé ʻe feʻunuʻaki nai ia ke fakamanatu ʻa e akonaki mo e ngaahi fakamanatu fekauʻaki mo e maʻu ʻo e fakataha-lahí. ʻI ha māhina ʻe taha pe ua hili hoʻomou fakataha-lahí, ʻe ngāueʻaki nai ha konga ki he fiemaʻu fakalotofonuá ke fakamanatu ai ʻa e ngaahi poini kuo ʻilo ʻe he kau malangá ʻoku ʻaonga ki he ngāue fakafaifekaú.

◼ ʻI he taimi pē ʻoku kau ai ki hoʻo ngaahi palani folau fakafoʻituituí ʻa hono maʻu ha fakataha-lahi fakavahe ʻi ha fonua kehe, te ke maʻu ha fakamatala ʻaonga ʻi he Uepisaiti jw.org ʻi he ʻalu ki he “Conventions” ʻi he “Lookup.”