Fanongonongo

◼ Tohi ke tuʻuaki ʻi Siulai mo ʻAokosi: ʻE lava ke ngāueʻaki nai ha taha ʻo e ngaahi polosiua peesi ʻe 32 ko ʻení : Kau Fakamoʻoni ʻa Sihová–Ko Hai Kinautolu? Ko e Hā ʻOku Nau Tui ki Aí?, Laumālie ʻo e Kau Maté–ʻOku Malava ke Nau Tokoniʻi Koe pe Uesia Koe? ʻOku Nau ʻI Ai Moʻoni?, Ko e Puleʻanga Te ne ʻOmai ʻA e Palataisi, mo e ʻE Lava Ke Ke Hoko ko e Kaumeʻa ʻo e ʻOtuá! ʻI hono fai ʻo e ngaahi toe ʻaʻahí, fakafeʻiloaki ʻa e tohi Akoʻi ʻe he Tohi Tapú pe kapau ʻoku feʻungamālie ange ki he fiemaʻu ʻa e tokotahá, ko e taha ʻo e ongo polosiua Fanongo ki he ʻOtuá pe Fanongo ki he ʻOtuá pea Moʻui Taʻengata, pea feinga ke kamata ha ako Tohi Tapu. Sepitema mo ʻOkatopa: Ko e makasini Taua Leʻo mo e ʻĀ Hake! ʻI hono fai ʻa e ngaahi toe ʻaʻahí, fakafeʻiloaki ʻa e tohi Akoʻi ʻe he Tohi Tapú pe kapau ʻoku feʻungamālie ange ki he ngaahi fiemaʻu ʻa e tokotahá, ko e taha ʻo e ongo polosiua Fanongo ki he ʻOtuá pe Fanongo ki he ʻOtuá pea Moʻui Taʻengata, pea feinga ke kamata ha ako Tohi Tapu.

◼ Sing to Jehovah—Vocal Renditions, Sītī 5 kuo tukuange atu ki hano hiki mei he Uepisaiti jw.org ʻi ʻAokosi 1. ʻE ʻuluaki ʻi ai ʻi he lea faka-Pilitāniá, pea ʻi he ngaahi lea kehé ʻi ha taimi ʻamui ange. Ko e ngaahi Sītī Leʻó ʻe lava ke kole ia ʻo fakafou he fakatahaʻangá. Koeʻuhi ko hano hiki ha ngaahi faile mei heʻetau Uepisaití ʻoku siʻisiʻi ange ai ʻa e fakamole ʻi hano ngaohi pea fakafolau mai ʻa e ngaahi sītī tonu, ko kinautolu ʻoku malava ke nau hiki ʻa e ngaahi failé ʻoku fakalototoʻaʻi atu ke fai pehē. Ko e tisi 1-4 kuo ʻosi tukuange mai.