ʻOkú Ke Vakaiʻi Maʻu Pē ʻa e Papa Fakahinohinó?
Ko e kau mātuʻá, kau sevāniti fakafaifekaú mo e niʻihi ʻoku ʻi ai honau fatongia ʻi he fakatahaʻangá ʻoku nau sio maʻu pē ki he papa fakahinohinó ke ʻilo ʻa e taimi ʻoku ʻi ai haʻanau konga. Neongo ia, ko e kotoa ʻi he fakatahaʻangá te nau maʻu ha fakahinohino mahuʻinga ai. ʻOkú ke ʻilo ʻa e taimi ke mou fakamaʻa holo aí? Kuo fai mai ʻe he sēketi ʻovasiá pe ʻōfisi vaʻá ha tohi mahuʻinga ki he fakatahaʻangá? ʻOkú ke ʻilo ʻa e kaveinga ʻo e malanga maʻá e kakaí ki he uike ní koeʻuhi ke ke lava ʻo fakaafeʻi hoʻo ako Tohi Tapú? Kuo fai ha fengaʻunuʻaki ki he taimi-tēpile ʻo e fakatahá pe ko hoʻo kulupu ngāue fakamalangá? Ko e lahi ʻo e ngaahi fakamatalá ni ʻoku ʻikai kei fanongonongo ia lolotonga ʻa e ngaahi fakatahá pea ʻe ʻikai lava nai ʻa e kau mātuʻá ke ʻoatu ki he tokotaha malanga taki taha. Ko ia ai, ʻoku totonu ke tau vakaiʻi maʻu pē ʻa e papa fakahinohinó. Kapau te tau toutou vakaiʻi ʻa e papa fakahinohinó ko e meʻa kotoa leva ʻe fakahokó “ʻi ha tuʻunga taau mo maau.”—1 Kol. 14: 40