Fakamanatu Ako Fakafaifekau Fakateokalatí

ʻE lava fēfē ke tokoniʻi kitautolu ʻe he Livitiko 18:3 ke fakaʻehiʻehi mei hono fakatupulekina ha ongoʻi ke mioʻi ʻa e tonú mo e halá? (ʻEf. 4:17-19) [Siu. 7, w02 2/1 p. 29 pal. 4]

ʻOku ʻuhinga ki he hā ʻa e fekau ke ʻoua ʻe “kosi ke fakaseakale” pe “maumau ʻa e ngaahi tuliki” ʻo e kavá? (Liv. 19:27) [Siu. 7, w04 5/15 p. 24 pal. 2]

Ko e hā ʻoku akoʻi mai kiate kitautolu he ʻahó ni ʻe he lao ʻi he kuonga muʻá fekauʻaki mo e tufí? (Liv. 19:9, 10) [Siu. 7, w06 6/15 p. 22-23 pal. 13]

Ko e hā ʻa e ʻuhinga ʻo e ‘taʻo ʻa e maá ʻe ha hongofuluʻi fefine ʻi ha ngotoʻumu pē taha’? (Liv. 26:26) [Siu. 21, w04 5/15 p. 24 pal. 5]

Ko e hā ʻa e ngaahi tuʻunga ʻe hala ai ki ha tokotaha ʻIsileli ke ʻeke ha tupu ʻi ha nō, ka ko fē ʻa e taimi ʻe fakaʻatā ai hono ʻeke ʻa e tupú? (Liv. 25:35-37) [Siu. 21, w04 5/15 p. 24 pal. 3]

Ko e hā ʻa e ngaahi “fakailoga” ʻa ia naʻe pau ke ʻapitanga takatakai ai ʻa e ngaahi vāhenga matakali ʻe tolu ʻi he toafá? (Nōm. 2:1, 2, PM) [Siu. 28, w04 8/1 p. 24 pal. 5]

Ko e hā ʻa e lēsoni ʻoku fakahāhā ai ʻa e fakaʻatuʻi ki he kau taʻumotuʻá ʻe lava ke tau ako mei he fakamatala fekauʻaki mo e ngaahi ngāue pau ʻa e kau Līvaí ʻoku lēkooti ʻi he Nōmipa 8:25, 26? [ʻAo. 11, w04 8/1 p. 25 pal. 1]

Hili ʻa e ʻekisoto fakaemana pe fakahaofi fakaofo ʻa ʻIsileli mei ʻIsipité, ko e hā e ʻuhinga naʻe fakatupulekina ai ʻe he kau ʻIsilelí ʻa e laumālie lāungá, pea ko e hā ʻa e lēsoni mātuʻaki mahuʻinga ʻoku lava ke tau lau mei he fakamatala ko ení? (Nōm. 11:4-6) [ʻAo. 18, w95 7/1 p. 16 pal. 10]

Ko e hā ʻe lava ke tau ako mei he anga ʻo e tali ʻa Mōsesé ʻi he taimi naʻe kamata ke ngāue fakapalōfita ai ʻa ʻElitati mo Meitatí? (Nōm. 11:27-29) [ʻAo. 18, w04 8/1 p. 26 pal. 4]

Ko e hā ʻa e tefitoʻi moʻoni mahuʻinga ʻe lava ke tau ako mei he fekau naʻe ʻoange ki he kau ʻIsilelí ke “nau ngaohi pao ʻi honau kapaʻi kofu”? (Nōm. 15:37-39) [ʻAo. 25, w04 8/1 p. 26 pal. 7]