Fakamanatu Ako Fakafaifekau Fakateokalatí
Ko e ngaahi fehuʻi ko ení ʻe lāulea ki ai ʻi he Ako Fakafaifekau Fakateokalatí lolotonga ʻa e uike kamata ʻo ʻEpeleli 27, 2015. Ko e ʻaho ʻoku fakataimitēpileʻi ai ʻa e poini taki taha ke lāulea aí ʻoku fakakau ia koeʻuhi ke lava ʻo fai ʻa e fekumí ʻi he taimi ʻoku fai ai ʻa e teuteu ki he akó ʻi he uike taki taha.
Ko fē ʻa e ʻofa ʻoku ui ko e ʻofa mateakí pea ko fē ʻa e tafaʻaki ʻi he moʻuí ʻoku fiemaʻu tefito ki aí? (Lute 1:16, 17) [Mas. 2, w12 10/1 p. 22 pal. 5]
Ko e hā naʻe tala ai ʻe Nāomi ki heʻene ongo tama-ʻi-he-fonó ke na foki “taki taha ki he fale o ʻene faʻe” kae ʻikai ki he fale ʻo ʻene tamaí? (Lute 1:8) [Mas. 2, w05 3/1 p. 26 pal. 6]
ʻI he taimi ʻoku tau fehangahangai ai mo ha ngaahi palopalema, ʻi he founga fē ʻe lava ke tau maʻu ʻaonga ai mei he faʻifaʻitakiʻanga ʻa ʻAná? (1 Sām. 1:16-18) [Mas. 9, w07 3/15 p. 16 pal. 5-6]
ʻI he taimi naʻe kei siʻi ai ʻa Sāmiuelá naʻá ne ‘tubu i he ao o Jihová,’ ko e hā naʻá ne maluʻi ia mei he faʻifaʻitakiʻanga kovi ʻa e ongo foha ʻo ʻĪlaí? (1 Sām. 2:21, PM) [Mas. 9, w11 1/1 p. 24 pal. 3, 4]
ʻI he founga fē ʻoku lava ke tau maʻu ʻaonga ai ʻi he ʻikai fakavave ʻa Saula ke fai ha meʻa ʻi he taimi naʻe talitekeʻi ai ʻe he “hakoʻi Pileali” ʻa hono tuʻunga-tuʻí? (1 Sām. 10:22, 27) [Mas. 23, w05 3/15 p. 23 pal. 1]
Ko e hā ʻa e lēsoni mahuʻinga ʻoku tau ako mei he fakakaukau hala ko ia ʻa Saulá ko e feilaulaú ʻoku lava ke fetongiʻaki ʻa e talangofua kia Sihová? (1 Sām. 15:22, 23) [Mas. 30, w07 6/15 p. 26 pal. 3-4]
Ko e hā ʻoku fakafiemālie ai ke ʻiloʻi ko Sihová ʻoku ‘sio ki he loto’ ʻo ha taha? (1 Sām. 16:7) [ʻEp. 6, w10 7/1 p. 23 pal. 7]
Fakatatau ki he Palōveepi 1:4, ko e hā ʻoku tau maʻú ʻa ia ʻoku ʻamanekina ʻe Sihova ke tau ngāueʻaki ʻi he taimi ʻoku tau fehangahangai ai mo e ngaahi tuʻunga faingataʻá? (1 Sām. 21:12, 13) [ʻEp. 13, w05 3/15 p. 24 pal. 4]
Ko e hā ʻa e vaivaiʻanga fakafoʻituitui ʻo Tēvita naʻe fekuki mo iá? (1 Sām. 25:5-13, 32, 33) [ʻEp. 20, w13 3/15 p. 5 pal. 11]
Naʻe kole fakamolemole ʻa ʻApikale ki ha meʻa naʻe ʻikai te ne fai. ʻE lava fēfē ke tau maʻu ʻaonga mei heʻene faʻifaʻitakiʻangá? (1 Sām. 25:24) [ʻEp. 20, w02 11/1 p. 5 pal. 1, 4]