ʻE ʻIkai Talitekeʻi ʻe Sihova ʻa e Loto-Laveá

Ko e Saame 51 naʻe hiki ia ʻe Tēvita hili ʻa e lea ki ai ʻa e palōfita ko Nētané ʻi heʻene fai ha angahala mamafa mo Patisepa. Naʻe tauteaʻi ʻa Tēvita ʻe hono konisēnisí pea naʻá ne vete hia ʻi he anga-fakatōkilalo.—2 Sām. 12:1-14.

Naʻe faiangahala ʻa Tēvita ka naʻe kei malava pē ke ne fakaakeake fakalaumālie

51:3, 4, 8-12, 17

• Ki muʻa ke ne fakatomala mo vete hiá, naʻe mamahi hono konisēnisí

• Naʻá ne faingataʻaʻia ʻi he mamahi fakaeongo koeʻuhi ko ʻene taʻefakahōifua ki he ʻOtuá peá ne ongoʻi hangē ha tangata kuo mafesi hono huí

• Naʻá ne fakaʻamua ha fakamolemole, fakaakeake fakalaumālie mo e fiefia naʻá ne maʻu ki muʻá

• Naʻá ne kōlenga anga-fakatōkilalo kia Sihova ke fakatupulekina ʻiate ia ha loto-lelei ke talangofua

• Naʻá ne falala-pau ki he fakamolemole ʻa Sihová