What Is True Love?

Naʻe faʻu ʻe Sihova ʻa e nofo malí ke hoko ko ha haʻi tuʻuloa ʻi he vahaʻa ʻo ha tangata mo ha fefine. (Sēn. 2:22-24) Ko e vete malí ʻe fili pē ki ai ʻi he hoko ʻa ha fehokotaki fakaesino taʻetaau. (Mal. 2:16; Māt. 19:9) Koeʻuhi ʻoku fiemaʻu ʻe Sihova ʻa e nofo malí ke fiefia, kuó ne tokonaki mai ʻa e ngaahi tefitoʻi moʻoni ʻe lava ke ne tokoniʻi ʻa e kau Kalisitiané ke fili fakapotopoto ha hoa pea ke tauhi maʻu ha nofo mali fiefia.—Tml. 5:4-6.

SIO ʻI HE VITIŌ WHAT IS TRUE LOVE?, PEA TALI LEVA ʻA E NGAAHI FEHUʻI KO ENÍ:

• 

  Ko e hā naʻe fakapotopoto ai mo anga-ʻofa ʻa e fakatonutonu naʻe fai ʻe Frank mo Bonnie ki hona ʻofefine ko Liz?

• Ko e hā ʻoku taʻefakapotopoto ai ke fakakaukau atu ʻe lava ke ke liliu ʻa e tokotaha ʻokú ke faisō mo iá?

• Ko e hā ʻa e faleʻi fakapotopoto naʻe fai ʻe Paul mo Priscilla kia Liz?

• 

  Ko e hā naʻe tupu ai ʻa e ngaahi palopalema ʻi he nofo mali ʻa Zach mo Megan?

• 

  Ko e hā ʻa e ngaahi meʻa fakalaumālie naʻe tuli fakatouʻosi ki ai ʻa John mo Liz?

• Ko e hā ʻoku totonu ai ke ke ʻilo ki he ‘tangata fufū ʻo e loto’ ʻo ha taha ki muʻa ke mo fefuakavaʻaki ke mali mo e tokotaha ko iá? (1 Pita 3:4)

• Ko e hā ʻa e ʻofa moʻoní? (1 Kol. 13:4-8)