Ko ha Vīsone Fakaivimālohi-Tui

9:1-7

Sioloto atu ki he ongoʻi naʻe maʻu ʻe Sīsū ʻi heʻene fanongo ki hono talaki ʻe heʻene Tamai fakahēvaní he lolotonga ʻa e vīsone fakasinokehé ʻokú Ne hōifua ʻiate ia. ʻOku ʻikai ha veiveiua naʻe fakaivimālohiʻi ʻe he meʻá ni ʻa Sīsū ki he faingataʻa naʻe teu ke ne hokosiá. Naʻe toe maongo ʻaupito ʻa e vīsoné ni kia Pita, Sēmisi mo Sione. Ko e moʻoni ko Sīsū ʻa e Mīsaiá, pea naʻe totonu ke nau fanongo kiate ia. ʻI he taʻu nai ʻe 32 mei ai, naʻe kei manatuʻi ʻe Pita ʻa e meʻá ni mo ʻene ʻai ke toe pau ange “ʻa e lea fakaekikité” kiate ia.—2 Pita 1:16-19.

Neongo naʻe ʻikai te tau sio tonu ʻi he vīsone kāfakafá ni, ʻoku tau sio tonu ʻi hono fakahokó. ʻOku lolotonga pule ʻa Sīsū ko ha Tuʻi mālohi. ʻOku vavé ni ke ne “fakakakato ʻene ikuná,” ʻo fakaʻatā ai ʻa e hala ki ha māmani foʻou māʻoniʻoni.—Fkh. 6:2.

Kuo fakaivimālohiʻi fēfē hoʻo tuí ʻi he sio ki hono fakahoko ʻo e kikite ʻa e Tohi Tapú?