Ko e ʻOfá ʻOkú Ne Fakaʻilongaʻi ʻa e Kau Kalisitiane Moʻoní​—Talitekeʻi ʻa e Siokitá mo e ʻItangofuá

ʻUHINGA ʻOKU MAHUʻINGA AÍ: Naʻe akoʻi ʻe Sīsū ko e ʻofá ʻoku fakaʻilongaʻi ʻaki ʻene kau ākongá. (Sione 13:34, 35) Ke fakahāhā ʻa e ʻofa faka-Kalaisí, kuo pau ke tau tokanga ki he lelei ʻa e niʻihi kehé pea fakaʻehiʻehi mei he hoko ʻo ʻitangofuá.—1 Kol. 13:5.

FOUNGA HONO FAI IÁ:

• ʻI he taimi ʻoku leaʻaki pe fai ʻe ha taha ha meʻa fakamamahi, kiʻi longo pea sivisiviʻi ʻa e tupuʻanga ʻo e palopalemá pea mo e ngaahi nunuʻa ʻo e meʻa ʻoku ʻamanaki ke ke faí.—Pal. 19:11

• Manatuʻi ʻoku tau taʻehaohaoa kotoa, pea ʻoku ʻi ai e taimi te tau leaʻaki pe fai ha meʻa te tau fakaʻiseʻisa ai ʻamui

• Fakaleleiʻi vave ʻa e ngaahi fefaikehekeheʻakí

SIO ʻI HE VITIŌ “MAʻU ʻA E ʻOFÁ ʻI HOMOU LOTOLOTONGÁ”—TALITEKEʻI ʻA E SIOKITÁ MO E ʻITANGOFUÁ, PEA TALI LEVA ʻA E NGAAHI FEHUʻI KO ENÍ:

• Naʻe fēfē ʻa e fakafeangai ʻa Tali ki he fokotuʻu ʻa Tomú?

• Naʻe tokoni fēfē ʻa e kiʻi longo ʻa Tomú ke talitekeʻi ai ʻa e ʻitangofuá?

• Naʻe fēfē hono fakaleleiʻi ʻa e tuʻungá ʻe he tali malū ʻa Tomú?