“ʻOku ʻIkai . . . Ke Mau Foʻi”

4:16-18

Sioloto atu ki ha ongo fāmili ʻokú na nofo ʻi ha fale tatau ʻoku motuʻa mo ʻikai lelei. Ko e fāmili ʻe tahá ʻoku hā mahino ʻa e siva ʻenau ʻamanakí. ʻI hono kehé, ko e fāmili ʻe tahá ʻoku nau fiefia. Ko e hā hono ʻuhingá? Ko e fāmili hono uá ʻe vavé ni ke nau hiki ki ha ʻapi ʻoku fakaʻofoʻofa mo foʻou ange.

Neongo “ko e ngaahi meʻa fakatupú kotoa ʻoku nau hanganaki toʻe mo mamahi ʻo aʻu mai ki he taimí ni,” ko e kau sevāniti ʻa Sihová ʻoku nau maʻu ʻa e ʻamanaki te ne fakaivimālohiʻi kinautolu. (Loma 8:22) ʻOku tau ʻiloʻi ko ʻetau ngaahi palopalema lolotongá, naʻa mo e faʻahinga ʻoku nau fakalotomamahiʻi kitautolu ʻi ha laui taʻu, ʻoku “fakataimi pē mo maʻamaʻa” ʻi hono fakahoa atu ki he moʻui taʻengata ʻi he māmani foʻoú. Ko e tokangataha ki he tāpuaki ʻo e Puleʻangá ʻi he kahaʻú te ne tokoniʻi kitautolu ke tau fiefia pea ʻikai foʻi.