Te Ke Lavameʻa Neongo Ho “Tolounua ʻi he Kakanó”!

Lolotonga ʻa e faingataʻa ʻo e ngaahi ʻaho fakaʻosí, ko e ngaahi palopalema ʻoku hangē ha tolounuá ʻoku moʻua ai ʻa e kau sevāniti ʻa e ʻOtuá. (2 Tīm. 3:1) ʻE lava fēfē ke tau falala kia Sihova pea fekuki lavameʻa mo e ngaahi palopalema ko ení? Sio ʻi he vitiō “ʻE ʻĀ ʻa e Mata ʻo e Kuí” ke ʻiloʻi ʻa e meʻa naʻe fai ʻe Talita Alnashi mo ʻene ongo mātuʻá, pea tali leva ʻa e ngaahi fehuʻi ko ení:

• Ko e hā ʻa e “tolounua ʻi he kakanó” naʻe maʻu ʻe Talita?

• Ko e hā ʻa e ngaahi talaʻofa ʻi he Tohi Tapú naʻá ne tokoniʻi ʻa Talita mo ʻene ongo mātuʻá ke tauhi maʻu ha fakakaukau pau?

• Naʻe anga-fēfē hono fakahāhā ʻe he ongo mātuʻa ʻa Talita ʻa ʻena falala kia Sihova hili ʻa hono faitoʻó?

• Naʻe anga-fēfē hono ngāueleleiʻaki ʻe he ongo mātuʻa ʻa Talita ʻa e ngaahi maʻuʻanga fakamatala fakateokalatí ke uhuʻi ʻa e ʻofa ki he ʻOtuá ki he loto ʻo Talita?

• Kuo anga-fēfē hono fakahāhā ʻe Talita ʻokú ne tupu fakalaumālie neongo ʻene “tolounua ʻi he kakanó”?

• Kuo anga-fēfē hono fakalototoʻaʻi koe ʻe he faʻifaʻitakiʻanga ʻa Talita?