ʻUlungaanga Maʻá mo e Fakaʻapaʻapa Lolotó ʻOku Maʻu Mai Ai ʻa e Lotó

Ko e ngaahi uaifi ʻoku ʻi he tuí ʻoku nau faʻa ikunaʻi mai honau husepānití fakafou ʻi honau ʻulungaanga faka-Kalaisí. Kae kehe, ʻe fiemaʻu nai ki ai ʻa hono kātakiʻi ʻa e faingataʻá ʻi ha laui taʻu. (1 Pita 2:21-23; 3:1, 2) Kapau ʻokú ke fekuki mo e faingataʻaʻia taʻetotonú, hokohoko atu ke ikuʻi ʻa e koví ʻaki ʻa e leleí. (Loma 12:21) Ko hoʻo faʻifaʻitakiʻangá ʻe ola lelei ange ia ʻi he leá.

Feinga ke vakai ki he ngaahi meʻá mei he anga ʻo e fakakaukau ʻa ho hoa malí. (Fil. 2:3, 4) Fakahāhā ʻa e kaungāongoʻi mo e manavaʻofa, pea fai hoʻo lelei tahá ke fakahoko ho ngaahi fatongiá. Hoko ko ha tokotaha fanongo lelei. (Sēm. 1:19) Anga-kātaki, pea fakapapauʻi ki ho hoa malí ʻa hoʻo ʻofa ʻiate iá. Neongo heʻikai ke fakahāhā atu ʻe ho hoa malí ʻa e anga-lelei mo e fakaʻapaʻapa tatau, fakapapauʻi ʻoku fakamahuʻingaʻi ʻe Sihova ʻa hoʻo faitōnungá.—1 Pita 2:19, 20.

SIO ʻI HE VITIŌ FAKAIVIMĀLOHIʻI KITAUTOLU ʻE SIHOVA KE FUA ʻETAU KAVENGÁ PEA TALI LEVA ʻA E NGAAHI FEHUʻI KO ENÍ:

• Naʻe anga-fēfē ʻa e moʻui ʻa Grace Li ʻi he kamataʻanga ʻene nofo malí?

• Ko e hā naʻá ne tohoakiʻi ia ki he moʻoni Fakatohitapú?

• Naʻe anga-fēfē kītaki ʻa Tuofefine Li ʻi he fehangahangai mo e polé ʻi he hili ʻene papitaisó?

• Ko e hā naʻe lotu ʻa Tuofefine Li ki ai ʻo fekauʻaki mo hono husepānití?

• Ko e hā ʻa e tāpuaki naʻe maʻu ʻe Tuofefine Li koeʻuhi ko ʻene ʻulungaanga maʻá mo e fakaʻapaʻapa lolotó?