Maluʻi ʻe Sihova ʻEne Kakaí

Ko e fuofua Pāsová ko ha kātoanga mahuʻinga ʻaupito ia. ʻI he pō ko iá, hili hono ʻiloʻi ʻe Felo kuo mate hono ʻuluaki fohá, naá ne tala ange kia Mōsesé: “Tuʻu, ʻalu atu mei he lotolotonga ʻo hoku kakaí, ʻa kimoua fakatouʻosi mo e kau ʻIsileli kehé. Mou ʻalu ʻo tauhi kia Sihova, ʻo hangē pē ko ia kuó mo leaʻakí.” (ʻEki. 12:31) Naʻe fakahaaʻi ʻe Sihova ʻokú ne maluʻi hono kakaí.

ʻI heʻetau sio atu ki he hisitōlia ʻi onopooni ʻo e kakai ʻa Sihová, ʻoku hā mahino hono tataki mo maluʻi ʻe Sihova kinautolú. ʻOku fakahaaʻi eni ʻi ha misiume ʻi he ʻuluʻi ʻapitanga ʻi māmaní ʻoku fakakaveinga “Ko ha Kakai Maʻá e Huafa Sihová.”

SIO ʻI HE VITIŌ ʻAʻAHI KI HE MISIUME WARWICK: “KO HA KAKAI MAʻÁ E HUAFA SIHOVÁ,” PEA TALI LEVA ʻA E NGAAHI FEHUʻI KO ENÍ:

• 

  Ko e hā ʻa e founga foʻou naʻe ngāueʻaki ʻe he kau Ako Tohi Tapú ʻo kamata ʻi he 1914 ke langa hake ʻa e tui ki he Tohi Tapú? Naʻe lavameʻa fēfē ʻa e founga ko iá?

• 

  Ko e hā ʻa e ngaahi ʻahiʻahi naʻe malanga hake ʻi he 1916 mo e 1918? Ko e hā ʻa e fakamoʻoni naʻe tataki ʻe Sihova ʻa e kautahá?

• 

  Kuo anga-fēfē ʻa e hanganaki faitōnunga ʻa e kakai ʻa Sihová neongo ʻa e fakatangá?

• 

  Ko e hā ʻa e mahino foʻou naʻe maʻu ʻe he kakai ʻa Sihová ʻi he 1935? Naʻe anga-fēfē hono tākiekina kinautolú?

• Kapau kuó ke ʻaʻahi ki he misiume ko ení, ko e hā naʻá ke sio ai ʻo langa hake ai hoʻo tuí ko Sihova ʻokú ne tataki mo maluʻi ʻene kakaí?