KOLOA MEI HE FOLOFOLA ʻA E ʻOTUÁ | ʻEKISOTO 33-34

ʻUlungaanga Fakatupu ʻOfeina ʻo Sihová

Koeʻuhi naʻe mahinoʻi lelei ʻe Mōsese ʻa e ngaahi ʻulungaanga ʻo Sihová ko ia naʻe tokoniʻi ai ia ke ne fakafeangai ʻi he anga-kātaki ki he kau ʻIsilelí. ʻI he tuʻunga meimei tatau, ʻoku lava ke tau fakahāhā ʻa e mēsí ki hotau kaungālotú ʻo kapau pē ʻoku loloto ʻetau mahinoʻi ʻa e ngaahi ʻulungaanga ʻo Sihová.

“Mohu meesi mo manavaʻofa”: ʻOku tokangaekina ʻe Sihova ʻene kau lotú ʻaki ʻa e manavaʻofa loloto mo e tokanga loto-moʻoni, ʻo hangē pē ko hono tokangaʻi ʻe he ngaahi mātuʻá ʻenau fānaú
“Tuai ki he houhau”: ʻOku anga-kātaki ʻa Sihova ki heʻene kau sevānití ʻi heʻenau faiangahalá pea fakaʻatā ʻa e taimi ke nau fai ha liliu
“Fonu ʻi he ʻofa mateaki”: ʻOku ʻofa mateaki ʻa Sihova ki heʻene kakaí ko ia heʻikai ke kaʻanga ʻa e vā ʻokú ne maʻu mo kinautolú

Fakatātā: Faʻifaʻitaki ʻa e Kau Fakamoʻoni ʻa Sihová ki he ʻulungaanga ʻo Sihová. 1. ʻAʻahi ha ongo mātuʻa ki ha fāmili ʻo vahevahe ha fakalototoʻa mei he Tohi Tapú. 2. Fakafiemālieʻi ʻe ha tuofefine ha taha ʻoku tangi.

ʻEKE HIFO KIATE KOE, ‘ʻE lava fēfē ke u faʻifaʻitaki ki he meesi mo e manavaʻofa ʻa Sihová?’