MOʻUI KO HA KALISITIANE
Fakaivimālohiʻi Hoʻo Tui ki he Folofola ʻa e ʻOtuá
ʻOku lava ke liliu ʻe he Folofola ʻa e ʻOtuá ʻetau moʻuí. (Hep. 4:12) Kae kehe, ke maʻu ʻaonga mei heʻene tatakí, fakahinohinó, mo e akonakí, ʻoku fiemaʻu ke tau tuipau ko e moʻoni “ko e folofola ia ʻa e ʻOtuá.” (1 Tes. 2:13) ʻE anga-fēfē haʻatau fakaivimālohiʻi ʻetau tui ki he Tohi Tapú?
Lau ha konga ʻo e Tohi Tapú ʻi he ʻaho taki taha. Lolotonga hoʻo laú, kumi ki ha fakamoʻoni ko Sihova ʻa e Faʻutohí. Ko e fakatātā, sivisiviʻi ʻa e faleʻi ʻoku maʻu ʻi he tohi Palōvēpí pea fakatokangaʻi ʻa hono poto ʻaongá.—Pal. 13:20; 14:30.
Kamata ha polokalama ako. Hoko ʻo maheni lelei ange mo e ngaahi fakamoʻoni ʻokú ne fakamoʻoniʻi ko e Tohi Tapú naʻe fakamānavaʻi. ʻI he Tataki Fakaefekumi Maʻá e Kau Fakamoʻoni ʻa Sihová, sio ki he kaveinga “Tohi Tapu” pea sio leva ki he “Fakamānavaʻi ʻe he ʻOtuá.” ʻOku toe lava foki ke fakaivimālohiʻi hoʻo tui ko e pōpoaki ʻa e Tohi Tapú kuo ʻikai liliu, ʻaki hono sivisiviʻi ʻa e fakamatala ʻoku maʻu ʻi he Fakamatala Fakalahi A3 ʻo e Liliu Tohi Tapu Māmani Foʻoú.
SIO ʻI HE VITIŌ ʻUHINGA ʻOKU TAU TUI AI KI HE . . . FOLOFOLA ʻA E ʻOTUÁ, PEA TALI LEVA ʻA E NGAAHI FEHUʻI KO ENÍ:
ʻOku anga-fēfē hono fakapapauʻi ʻa e moʻoni ʻa e Folofola ʻa e ʻOtuá, ʻi he meʻa naʻe maʻu ʻi he holisi ʻo ha temipale ʻi Karnak, ʻIsipite?
ʻOku anga-fēfē ʻetau ʻiloʻi kuo ʻikai ke liliu ʻa e pōpoaki ʻo e Tohi Tapú?
ʻOku anga-fēfē hoʻo fakamoʻoniʻi ʻi he tukuʻau mai ʻa e Tohi Tapú, ko e Folofola ia ʻa e ʻOtuá?—Lau ʻa e ʻAisea 40:8