LAIPELI Taua Le‘o ‘I HE ‘INITANETÍ
Taua Le‘o
LAIPELI ‘I HE ‘INITANETÍ
Faka-Tonga
ʻ
  • ʻ
  • ā
  • ē
  • ī
  • ō
  • ū
  • TOHI TAPU
  • ‘Ū TOHI
  • NGAAHI FAKATAHA
  • mwb24 Sanuali p. 14-15
  • Fepueli 26–Maʻasi 3

‘Ikai ala ma‘u ha vitiō

Kātaki, ‘oku ‘ikai ma‘u ha vitiō.

  • Fepueli 26–Maʻasi 3
  • Ko ʻEtau Moʻui Faka-Kalisitiané mo e Ngāue Fakafaifekaú—Polokalama Ngāue ki he Fakatahá—2024
Ko ʻEtau Moʻui Faka-Kalisitiané mo e Ngāue Fakafaifekaú—Polokalama Ngāue ki he Fakatahá—2024
mwb24 Sanuali p. 14-15

FEPUELI 26–MAʻASI 3

SAAME 11-15

Hiva 139 mo e Lotu | Lea Kamata (1 min.)

KOLOA MEI HE FOLOFOLA ʻA E ʻOTUÁ

1. Sioloto Atu Kiate Koe ʻi he Māmani Foʻou Melino ʻa e ʻOtuá

(10 min.)

ʻI he ʻikai fakaʻapaʻapaʻi ʻe he kakaí ʻa e laó mo e tuʻutuʻuní ʻoku hoko leva ai ʻa e fakamālohi ʻoku tau sio ki ai ʻi he ʻaho ní (Saame 11:​2, 3; w06 5/15 18 ¶3)

ʻE lava ke tau falala ʻoku vavé ni ke fakangata ʻe Sihova ʻa e fakamālohí (Saame 11:5; wp16.4 11)

Ko e fakakaukauloto ki he talaʻofa ʻa Sihova ki he fakamoʻuí, te ne tokoniʻi kitautolu ke tatali anga-kātaki ki hotau fakahaofí (Saame 13:​5, 6; w17.08 6 ¶15)

Ko ha taʻahine ʻokú ne mohe ʻi he nonga ʻi ha lalo ʻakau ʻi he vaotaá ʻi he poʻulí. Ko ha fuʻu pusi lanu ʻuliʻuli ʻokú ne mālōlō ʻi he fuʻu ʻakaú ʻi ʻolunga ʻiate ia.

ʻAHIʻAHIʻI ENI: Lau ʻa e ʻIsikeli 34:25 pea vaheʻi ʻa e taimi ke sioloto atu kiate koe ʻi he feituʻu nonga ʻoku fakamatalaʻi aí.—kr 236 ¶16.

2. Makakoloa Fakalaumālie

(10 min.)

  • Saame 14:1—Ko e hā nai ʻa e fakatuʻutāmaki ʻoku fakahaaʻi ʻe he konga tohí ʻe ala hoko ki he kau Kalisitiané? (w13 9/15 19 ¶12)

  • Ko e hā ʻa e makakoloa fakalaumālie naʻá ke ako mei he lau Tohi Tapu ʻo e uike ní?

3. Lau Tohi Tapu

(4 min.) Saame 13:1–14:7 (th ako 2)

TOKANGATAHA KI HE NGĀUE FAKAMALANGÁ

4. Kamataʻi ha Fetalanoaʻaki

(2 min.) FOUNGA ʻIKAI ANGA-MAHENI. Fakaafeʻi ʻa e tokotahá ki he Fakamanatú. (lmd lēsoni 5 poini 3)

5. Kamataʻi ha Fetalanoaʻaki

(1 min.) FALE KI HE FALE. Fakaafeʻi ʻa e tokotahá ki he Fakamanatú. (lmd lēsoni 3 poini 4)

6. Kamataʻi ha Fetalanoaʻaki

(3 min.) FALE KI HE FALE. ʻOku fakahaaʻi ʻe ha tokotaha ʻa e mahuʻingaʻia ʻi he fakaafe ki he Fakamanatú. (lmd lēsoni 7 poini 4)

7. Ngaohi Ākonga

(5 min.) lff lēsoni 13 fakanounou, fakamanatu mo e meʻa ke fai. Ngāueʻaki ha kupu mei he konga “Ako Lahi Ange” ke tokoniʻi hoʻo tokotaha akó ke ne mahinoʻi ʻa e anga ʻo e ongoʻi ʻa e ʻOtuá ki he lotu loí. (th ako 12)

MOʻUI KO HA KALISITIANE

Hiva 8

8. “ʻOku Lelei Ange ʻa e Potó ʻi he Ngaahi Meʻataú”

(10 min.) Fetalanoaʻaki.

Ko e tamai ʻi he vitiō “Faʻifaʻitaki ki he Kau Faitōnungá ʻo ʻIkai ko e Kau Taʻetuí—ʻĪnoke, ʻIkai ko Lēmeki,” ʻoku fakalaulauloto ki he meʻa ʻokú ne lau ʻi he Tohi Tapú. ʻOkú ne fakalaulauloto kia ʻĪnoke ʻokú ne toitoi ʻi ha ʻana lolotonga hono kumi ia ʻe ha kau tangata ʻoku nau toʻo meʻatau.

ʻOku fakautuutu ke toe lahi ange ʻa e ngaahi tōʻonga fakamālohí ʻi he māmaní. ʻOku ʻiloʻi ʻe Sihova ko e fakamālohi ʻoku tau vakai ki ai mo hokosiá ʻe lava ke ne ʻai kitautolu ke tau loto-moʻua lahi. ʻOkú ne ʻiloʻi foki ʻetau fiemaʻu ko ia ha maluʻí. Ko e founga ʻe taha ʻokú ne maluʻi ai kitautolú ʻoku fakafou ia ʻi heʻene Folofolá, ko e Tohi Tapú.—Saame 12:​5-7.

Ko e poto ʻoku maʻu ʻi he Tohi Tapú ʻoku “lelei ange . . . ʻi he ngaahi meʻataú.” (Tml. 9:18) Fakakaukau ki he founga ʻe tokoniʻi ai kitautolu ʻe he ngaahi tefitoʻi moʻoni Fakatohitapu ko ení ke maluʻi kitautolu mei he hoko ʻo maʻukovia ʻe he fakamālohí.

  • Tml. 4:​9, 10—Fakaʻehiʻehi mei he nofo toko taha ʻi ha feituʻu pe ko ha tuʻunga ʻoku ʻikai ke malu

  • Pal. 22:3—Tokanga maʻu pē ki he feituʻu takatakai ʻokú ke ʻalu ki ai ʻi he feituʻu kakaí

  • Pal. 26:17—ʻOua ʻe kau ʻi ha fakafekiki ʻoku ʻikai haʻo kaunga ki ai

  • Pal. 17:14—Mavahe mei he feituʻú kapau ʻoku hangehangē ʻe hoko ai ha fakamālohi. Fakaʻehiʻehi mei he kakai ʻoku nau fakatahataha ke fakafepakí

  • Luke 12:15—ʻOua ʻe tuku hoʻo moʻuí ke mole koeʻuhi ko hoʻo ngaahi koloá

Huluʻi e VITIŌ Faʻifaʻitaki ki he Kau Faitōnungá ʻo ʻIkai ko e Kau Taʻetuí —ʻĪnoke, ʻIkai ko Lēmeki. ʻEke leva ki he kau fanongó:

Naʻe anga-fēfē hono tākiekina ʻe he faʻifaʻitakiʻanga ʻa ʻĪnoké ʻa e ngaahi fili mo e tōʻonga ʻa e tamaí ʻi he hoko ha fakamālohí?—Hep. 11:5

ʻI he ngaahi tuʻunga ʻe niʻihi, ʻe ongoʻi nai ʻe ha Kalisitiane ʻe fiemaʻu ke ne fai ʻa e meʻa kotoa te ne ala lavá ke maluʻi ia mo ʻene koloá. Kapau ko ia, te ne fai ʻa e meʻa kotoa te ne malavá ke fakaʻehiʻehi mei hano tāmateʻi ha taha pea hoko ʻo halaia ʻi he totó.—Saame 51:14; sio ki he “Fehuʻi mei he Kau Lautohí” ʻi he ʻīsiu ʻo e Taua Leʻo ʻo Siulai 2017.

9. Feingangāue ki he Fakamanatú ke Kamata ʻi he Tokonaki, Maʻasi 2

(5 min.) Malanga ke fai ʻe ha mātuʻa. Fakahaaʻi ʻa e fokotuʻutuʻu fakalotofonua ki he feingangāué, malanga makehé mo e Fakamanatú. Fakamanatu ki he kau malangá ʻe lava ke nau fili ke tāimuʻa tokoni ʻi he houa ʻe 15 ʻi he lolotonga ʻa e māhina ʻo Maʻasi mo ʻEpelelí.

10. Ako Tohi Tapu ʻa e Fakatahaʻangá

(30 min.) lff lēsoni 40

Lea Fakaʻosi (3 min.) | Hiva 45 mo e Lotu

    ʻŪ Tohi Faka-Tonga (1987-2026)
    Hū ki Tu‘a
    Hū ki Loto
    • Faka-Tonga
    • Share
    • Sai‘ia
    • Copyright © 2025 Watch Tower Bible and Tract Society of Pennsylvania
    • Makatu‘unga Hono Ngāue‘akí
    • Polisī Fakafo‘ituitui
    • Privacy Setting
    • JW.ORG
    • Hū ki Loto
    Share