ʻEPELELI 8-14
SAAME 26-28
Hiva 34 mo e Lotu | Lea Kamata (1 min.)
1. Founga Naʻe Fakaivimālohiʻi Ai ʻe Tēvita ʻEne Anga-Tonú
(10 min.)
Naʻe kole ʻa Tēvita kia Sihova ke sivi ia (Saame 26:1, 2; w04 12/1 14 ¶8-9)
Naʻe fakaʻehiʻehi ʻa Tēvita mei he feohi koví (Saame 26:4, 5; w04 12/1 15-16 ¶12-13)
Naʻe ʻofa ʻa Tēvita ʻi he lotu kia Sihová (Saame 26:8; w04 12/1 16-17 ¶17-18)
Neongo naʻe fai ʻe Tēvita ʻa e ngaahi fehālaaki, naʻá ne ʻaʻeva “ʻi he loto haohaoa.” (1 Tuʻi 9:4) Ko e anga-tonu ʻa Tēvitá naʻe ʻiloʻi ia ʻi heʻene līʻoa kakato mo ʻofa kia Sihová.
2. Makakoloa Fakalaumālie
(10 min.)
Saame 27:10—ʻE lava fēfē ke hoko ʻa e veesi ko ení ko ha fakafiemālie ʻi heʻetau ongoʻi kuo liʻaki kitautolu ʻe he faʻahinga ʻoku tau vāofi mo iá? (w06 7/15 28 ¶15)
Ko e hā ʻa e makakoloa fakalaumālie naʻá ke ako mei he lau Tohi Tapu ʻo e uike ní?
3. Lau Tohi Tapu
(4 min.) Saame 27:1-14 (th ako 2)
4. Kamataʻi ha Fetalanoaʻaki
(2 min.) FALE KI HE FALE. Ngāueʻaki ha tuleki mei heʻetau Puha Meʻangāue Fakafaiakó. (th ako 3)
5. Toe Foki
(4 min.) FALE KI HE FALE. Fetalanoaʻaki ʻi he fehuʻi ʻoku hā ʻi he peesi fakaʻosi ʻo e tuleki naʻá ke tuku ʻi he ʻaʻahi fakamuimuí. Fakahaaʻi ki he tokotahá ʻa e jw.org, pea fakahaaʻi ha niʻihi ʻo e meʻa ʻoku ala maʻu ʻi aí. (lmd lēsoni 9 poini 3)
6. Malanga
(5 min.) lmd fakamatala fakalahi A poini 3—Kaveingá: Ko e ʻĀtakai ʻo e Māmaní ʻE Toe Fakafoʻou. (th ako 13)
Hiva 128
7. Toʻutupu ʻOku Nau Tauhi Maʻu ʻEnau Maʻa Fakaeʻulungāngá
(15 min.) Fetalanoaʻaki.
Ko e toʻutupu Kalisitiané kuo pau ke nau faitau ke tauhi maʻu ʻenau maʻa fakaeʻulungāngá. ʻOku nau fāinga mo honau kakano taʻehaohaoá pea faitau ke nofoʻaki maʻa lolotonga ʻa e taimi ʻo e kei talavoú —ko ha vahaʻa taimi ʻoku mālohi ai ʻa e ongo fakaefehokotaki fakasinó pea ʻai ai ke faingataʻa ke nau fai ʻa e ngaahi fili fakapotopoto. (Loma 7:21; 1 Kol. 7:36) Kuo pau foki ke nau talitekeʻi ʻa e tenge hokohoko mei he niʻihi kehé ke kau ʻi he fehokotaki fakasinó pea mo e fakasōtomá. (ʻEf. 2:2) ʻOku mau laukauʻaki ʻa e faʻahinga ʻoku nau hokohoko atu ke tauhi maʻu ʻenau anga-tonú.
Huluʻi ʻa e VITIŌ ʻI Heʻeku Taʻu Hongofulu Tupú—ʻE Lava Fēfē Ke U Talitekeʻi ʻa e Tenge ke Fehokotaki Fakasino Ki Muʻa ʻi he Malí? ʻEke leva ki he kau fanongó:
Ko e hā ʻa e tenge mei he toʻumeʻá naʻe fehangahangai mo Cory mo Kamryn?
Ko e hā naʻá ne tokoniʻi kinaua ke tauhi maʻu ʻena anga-tonú?
Ko e hā ʻa e ngaahi tefitoʻi moʻoni Fakatohitapu ʻe lava ke ne tokoniʻi koe ke fekuki mo e ngaahi tuʻunga meimei tataú?