ʻOKATOPA 7-13
SAAME 92-95
Hiva 84 mo e Lotu | Lea Kamata (1 min.)
1. Ko e Tauhi kia Sihová ʻa e Founga Moʻui Lelei Tahá!
(10 min.)
ʻOku tuha ʻa Sihova mo ʻetau lotú (Saame 92:1, 4; w18.04 26 ¶5)
ʻOkú ne ʻoange ki heʻene kakaí ʻa e vavanga fakaefakakaukau taʻealafakatataua (Saame 92:5; w18.11 20 ¶8)
ʻOkú ne fakamahuʻingaʻi ʻa e faʻahinga ʻoku tauhi kiate ia neongo ʻenau taʻumotuʻá (Saame 92:12-15; w20.01 19 ¶18)
ʻEKE HIFO, ‘Ko e hā ʻokú ne taʻofi au mei he fakatapui kia Sihova pea hoko ʻo papitaisó?’
2. Makakoloa Fakalaumālie
(10 min.)
Saame 92:5—ʻOku anga-fēfē hono fakatātaaʻi mahino ʻe he ngaahi lea ko ení ʻa e poto ʻo Sihová? (cl 176 ¶18)
Ko e hā ʻa e makakoloa fakalaumālie naʻá ke ako mei he lau Tohi Tapu ʻo e uike ní?
3. Lau Tohi Tapu
(4 min.) Saame 94:1-23 (th ako 5)
4. Kamataʻi ha Fetalanoaʻaki
(4 min.) FOUNGA ʻIKAI ANGA-MAHENI. Kumi ki ha faingamālie ke tala ange ai ki he tokotahá ʻa e ngāue ʻokú ke fai ko ha faiako ako Tohi Tapu. (lmd lēsoni 5 poini 3)
5. Toe Foki
(3 min.) FOUNGA ʻIKAI ANGA-MAHENI. Tuʻuaki ha ako Tohi Tapu ki ha tokotaha mahuʻingaʻia naʻe ʻikai ke ne tali ia ki muʻa. (lmd lēsoni 8 poini 4)
6. Ngaohi Ākonga
(5 min.) Fetalanoaʻaki mo ha tokotaha ako Tohi Tapu ʻoku ʻikai ke fakalakalaka. (lmd lēsoni 12 poini 5)
Hiva 5
7. ʻI Hono Lōmekina ʻe he Loto-Moʻuá ʻa e Toʻutupú
(15 min.) Fetalanoaʻaki.
Ko e faʻahinga ʻoku tauhi kia Sihová ʻoku ʻikai ke nau hao mei he loto-moʻuá. Ko e fakatātaá, naʻe loto-moʻua ʻa Tēvita ʻi he ngaahi taimi kehekehe ʻi heʻene moʻuí, pea ʻoku pehē pē mo e tokolahi hotau fanga tokouá ʻi he ʻahó ni. (Saame 13:2; 139:23) Ko e meʻa pangó, naʻa mo e toʻutupú ʻoku uesia foki mo kinautolu ʻe he loto-moʻuá. ʻI he taimi ʻe niʻihi, ʻe ʻai nai ʻe he loto-moʻuá ʻa e ngaahi ngāue anga-mahení ke hā ngali fakatupu lōmekina, hangē ko e ʻalu ki he akó pe ko hono maʻu ʻa e ngaahi fakatahá. ʻE aʻu nai ʻo taki atu ki he loto-puna tamaki pe ngaahi fakakaukau taonakita.
Toʻutupu, ka faifai ange peá ke ongoʻi ʻoku lōmekina koe ʻe he loto-moʻuá, talanoa ki ha taha ʻi he ongo mātuʻá pe ki ha tokotaha matuʻotuʻa. Fakapapauʻi ke hanga foki kia Sihova ki ha poupou. (Fil. 4:6) Te ne tokoniʻi koe. (Saame 94:17-19; ʻAi. 41:10) Fakakaukau ki he faʻifaʻitakiʻanga ʻa Steing.
Huluʻi ʻa e VITIŌ Naʻe Tokangaʻi Au ʻe Sihova. ʻEke leva ki he kau fanongó:
• Ko e hā ʻa e konga Tohi Tapu naʻá ne tokoniʻi ʻa Steing, pea ko e hā hono ʻuhingá?
• Naʻe anga-fēfē hono tokangaʻi ia ʻe Sihová?
Ngaahi mātuʻa, ʻe lava ke ke tokoniʻi hoʻo fānaú ke fekuki mo e loto-moʻuá ʻaki ʻa e fanongo anga-kātaki kiate kinautolu, fakahaaʻi ʻokú ke ʻofa ʻiate kinautolu, pea tokoniʻi kinautolu ke langa hake ʻenau tuipau ki he ʻofa ʻa Sihová. (Tai. 2:4; Sēm. 1:19) Falala kia Sihova ke ne ʻoatu kiate koe ʻa e fakafiemālie mo e mālohi ʻokú ke fiemaʻú ke poupouʻi ʻaki ho fānaú.
ʻE ʻikai nai ke tau ʻiloʻi ʻa e taimi ʻoku fekuki ai ha tokotaha ʻi he fakatahaʻangá mo e loto-moʻua tōtuʻá pe mahinoʻi ʻa e anga ʻene ongoʻí. Neongo ia, ʻe lava ke tau tokoni ʻaki hono ʻai ʻa e tokotaha kotoa ʻi he fakatahaʻangá ke nau ongoʻi ʻoku ʻofaʻi mo tali kinautolu.—Pal. 12:25; Hep. 10:24.
8. Ako Tohi Tapu ʻa e Fakatahaʻangá
(30 min.) fy vahe 1 ¶15-23