TĪSEMA 23-29

KOLOA MEI HE FOLOFOLA ʻA E ʻOTUÁ

1. Founga ke Fakaʻehiʻehi Ai mei he Loto-Mamahi ʻIkai Fiemaʻú

(10 min.)

ʻOfa ʻi he ngaahi fekau ʻa e ʻOtuá (Saame 119:127; w18.06 17 ¶5-6)

Fehiʻa ʻi he faihalá (Saame 119:128; br1 39 ¶12)

Fanongo kia Sihova pea fakaʻehiʻehi mei he ngaahi fehālaaki ʻa e “taʻetaukeí” (Saame 119:130, 133; Pal. 22:3)

Ko ha Tohi Tapu ʻoku tuku fakaava ʻi he tafaʻaki ʻo ha paʻanga mo ha konga koula.

ʻEKE HIFO, ‘Ko e hā ʻa e ngaahi fakalakalaka ʻoku fiemaʻu ke u faí koeʻuhí ke fakaivimālohiʻi ai ʻeku ʻofa ʻi he ngaahi fekau ʻa e ʻOtuá mo ʻeku fehiʻa ʻi he faihalá?’

2. Makakoloa Fakalaumālie

(10 min.)

Saame 119:160—ʻI he fehoanaki mo e veesi ko ení, ko e hā ʻoku totonu ke tau falala pau ki aí? (w23.01 2 ¶2)

Ko hoʻo talí
Ko e hā ʻa e makakoloa fakalaumālie naʻá ke ako mei he lau Tohi Tapu ʻo e uike ní?

Ko hoʻo talí

3. Lau Tohi Tapu

(4 min.) Saame 119:121-152 (th ako 2)

TOKANGATAHA KI HE NGĀUE FAKAMALANGÁ

4. Kamataʻi ha Fetalanoaʻaki

(3 min.) FALE KI HE FALE. (lmd lēsoni 1 poini 5)

5. Toe Foki

(4 min.) FALE KI HE FALE. Fakahaaʻi ki ha tokotaha ʻa e founga ke kumi ai ki ha fakamatala te ne mahuʻingaʻia nai ai ʻi he jw.org. (lmd lēsoni 8 poini 3)

6. Ngaohi Ākonga

(5 min.) Fetalanoaʻaki mo ha ako Tohi Tapu ʻoku ʻikai ke ne maʻu maʻu pē ʻa e ngaahi fakataha ʻa e fakatahaʻangá. (lmd lēsoni 12 poini 4)

MOʻUI KO HA KALISITIANE

7. ʻOua ʻe Fakaʻatā ʻa e Paʻangá Ke Ne Fakatupunga ha Loto-Mamahi ʻIkai Fiemaʻu

(15 min.) Fetalanoaʻaki.

Ko e faʻahinga ʻoku ʻofa ki he paʻangá “kuo nau hokohokaʻi fakaʻaufuli . . . kinautolu ʻaki ʻa e ngaahi mamahi lahi.” (1 Tīm. 6:9, 10) ʻI laló ʻoku hā ai ʻa e ngaahi mamahi ʻikai fiemaʻu te tau hokosiá kapau te tau ʻofa ki he paʻangá pea fakaʻatā ia ke ne tākiekina ʻetau moʻuí.

ʻE ʻikai malava ai ke tau maʻu ha vahaʻangatae vāofi mo Sihova.—Māt. 6:24
ʻE ʻikai ʻaupito ke tau fiemālie.—Tml. 5:10
ʻE faingofua ai ke tau tō ki he ʻulungaanga taʻetāú, hangē ko e loí, kaihaʻá, mo e taʻemateakí. (Pal. 28:20) Kapau te tau fai ha meʻa ʻoku hala, ʻe iku atu ia ki he ongoʻi halaia, maʻu ha ongoongo ʻoku kovi, pea mole mo e hōifua ʻa e ʻOtuá

Ko ha konga mei he vitiō “Founga ke Levaʻi Hoʻo Paʻangá.” Ko ha talavou ʻokú ne puke ha meʻa tānaki paʻanga.

Lau ʻa e Hepelū 13:5, pea lāulea leva ki he fehuʻi ko ení:

Ko e hā te ne tokoniʻi kitautolu ke fakaʻehiʻehi mei he loto-mamahí, pea ko e hā hono ʻuhingá?

Ko hoʻo talí

Neongo ʻoku ʻikai ke tau ʻofa ki he paʻangá, te tau hokosia ʻa e loto-mamahí kapau heʻikai ke tau levaʻi lelei ia.

Huluʻi ʻa e TALANOA TĀ FAKATĀTĀ Founga ke Levaʻi Hoʻo Paʻangá. ʻEke leva ki he kau fanongó:

Ko ha konga mei he vitiō “Founga ke Levaʻi Hoʻo Paʻangá.” Ko e talavoú mo e finemuí ʻokú na hikiʻi hifo ha lisi ʻo e ngaahi meʻa ʻokú na fiemaʻú mo e fakamole ki aí. Ko e lisi ʻo e kiʻi talavoú ʻoku kau ki ai ʻa e meʻa fanongo ʻi he telingá, sū, meʻakai mo e tikite ke heka lēlue. ʻOku kau leva ki he lisi ʻa e kiʻi finemuí ʻa e peesi, uasi, meʻakai mo e ʻutu.

Ko e hā ʻoku totonu ai ke tau fokotuʻu ha patisetí, pea ʻe lava fēfē ke tau fai ia?

Ko hoʻo talí

Ko ha konga mei he vitiō “Founga ke Levaʻi Hoʻo Paʻangá.” ʻOku kumi he kiʻi finemuí ha fakamalu ʻe ua lolotonga ʻa e ʻuhá. Ko e taha kiate ia pea ko e taha ki hono tuongaʻané, ʻa ia naʻá ne ngāueʻaki ʻene paʻangá ke kumi ʻaki ha ʻaisikilimi.

Ko e hā ʻoku lelei ai ke tuku mavahe ha paʻangá?

Ko hoʻo talí

Ko ha konga mei he vitiō “Founga ke Levaʻi Hoʻo Paʻangá.” Ko e kiʻi talavoú ʻoku sēiniʻi hono nimá ki ha kaati fakatau lolotonga iá ʻoku malimali atu ha kaati fakatau ʻe taha kiate ia.

Ko e hā ʻoku fakapotopoto ai ke fakaʻehiʻehi mei he moʻua ʻikai fiemaʻú?

Ko hoʻo talí

8. Ako Tohi Tapu ʻa e Fakatahaʻangá

(30 min.) fy vahe 6 ¶1-7