MĒ 19-25
PALŌVEEPI 14
Hiva 89 mo e Lotu | Lea Kamata (1 min.)
1. Fakakaukauʻi ʻa e Laka Taki Taha ʻi he Hoko ha Fakatamaki
(10 min.)
ʻOua ʻe tui ki he “lea kotoa pē” ʻokú ke fanongo ki ai (Pal. 14:15; w23.02 23 ¶10-12)
ʻOua ʻe falala pē ki hoʻo ngaahi ongoʻí pe hokosia ʻi he kuohilí (Pal. 14:12)
ʻOua ʻe fanongo ki he faʻahinga ʻoku nau talitekeʻi ʻa e tataki mei he kautaha ʻa Sihová (Pal. 14:7)
KE FAKALAULAULOTO KI AI: Kau mātuʻa, ʻoku mou mateuteu ke muimui ki he fakahinohinó pea falala kia Sihova ʻi he hoko ha fakatamaki?—w24.07 5 ¶11.
2. Makakoloa Fakalaumālie
(10 min.)
Pal. 14:17—ʻI he founga fē ʻoku fehiʻanekina ai ʻa e “tangata ʻokú ne fakakaukauʻi ʻa e ngaahi meʻá”? (it-2 1094)
Ko e hā ʻa e makakoloa fakalaumālie naʻá ke ako mei he lau Tohi Tapu ʻo e uike ní?
3. Lau Tohi Tapu
(4 min.) Pal. 14:1-21 (th ako 11)
4. Kamataʻi ha Fetalanoaʻaki
(3 min.) ʻI HE FEITUʻU KAKAÍ. Vahevahe ha meʻa mei he Tohi Tapú ki ha tokotaha ʻokú ne tala atu ʻoku hohaʻa fekauʻaki mo e tuʻunga fakaʻekonōmiká. (lmd lēsoni 3 poini 3)
5. Toe Foki
(4 min.) FALE KI HE FALE. Tuʻuaki ha makasini ʻi ha kaveinga naʻe mahuʻingaʻia ai ʻa e tokotahá lolotonga hoʻomo talanoa fakamuimuí. (lmd lēsoni 9 poini 4)
6. Ngaohi Ākonga
(5 min.) Fakalototoʻaʻi hoʻo tokotaha akó ke ne lau fakaʻaho ʻa e Tohi Tapú, pea fakahaaʻi kiate ia ʻa e founga ke aʻusia ai ʻene taumuʻá. (th ako 19)
Hiva 126
7. Nofoʻaki Mateuteu ki ha Fakatamaki
(15 min.) Fetalanoaʻaki.
Ke fai ʻe ha mātuʻa. Kapau ʻoku ʻi ai ha ngaahi fakamanatu mei he ʻōfisi vaʻá pea mo e kulupu ʻo e kau mātuʻá pea fakakau ki ai.
ʻI heʻetau kātekina ʻa e “ngaahi ʻaho fakaʻosí,” ʻoku tau ʻamanekina ʻe toe lahi ange ʻa e ngaahi faingataʻá. (2 Tīm. 3:1; nouti ako ʻi he nwtsty ʻo e Māt. 24:8) ʻI he fehangahangai ʻa e kakai ʻa Sihová mo ha fakatamaki, ʻoku nau faʻa maʻu ʻa e ngaahi fakahinohino taimi totonu mo fakahaofi moʻui. Ko ʻetau hao moʻui ʻi he taimi ko iá, ʻe makatuʻunga nai ia ʻi heʻetau talangofua ʻo mateuteu fakalaumālie mo fakaesino ʻi he taimi ní.—Pal. 14:6, 8.
Mateuteu fakalaumālie: Fakatupulekina ha taimi-tēpile fakalaumālie lelei. Fakalahi hoʻo pōtoʻi ʻi he ngaahi tafaʻaki kehekehe ʻo e ngāue fakafaifekaú. ʻOua ʻe hohaʻa kapau ʻoku motuhia fakataimi hoʻo fetuʻutaki mo e niʻihi kehe ʻi he fakatahaʻangá. (Pal. 14:30) ʻOku ʻikai ʻaupito ke ke mavahe meia Sihova ko e ʻOtuá mo Kalaisi Sīsū.—od 176 ¶15-17
Mateuteu fakaesino: Tānaki atu ki he kato fakavavevavé, ko e fāmili taki taha ʻoku totonu ke ʻi ai haʻanau tokonaki feʻunga ʻo e meʻakai, vai, naunau fakafaitoʻo mo e ngaahi alā meʻa peheé telia naʻa fiemaʻu ke nofo maʻu ʻi ha feituʻu ʻi ha vahaʻa taimi lōloa.—Pal. 22:3; g17.5 4
Huluʻi ʻa e VITIŌ ʻOkú Ke Mateuteu ki ha Fakatamaki? ʻEke leva ki he kau fanongó:
ʻE lava fēfē ke tokoniʻi kitautolu ʻe Sihova lolotonga ʻa e ngaahi taimi ʻo e fakatamakí?
Ko e hā ʻa e ngaahi sitepu ʻaonga ʻe lava ke tau fai ke mateuteu aí?
ʻE lava fēfē ke tau tokoni ki he niʻihi kuo uesia ʻe he fakatamakí?
8. Ako Tohi Tapu ʻa e Fakatahaʻangá
(30 min.) fy vahe 13 ¶14-22