SUNE 9-15
PALŌVEEPI 17
Hiva 157 mo e Lotu | Lea Kamata (1 min.)
Ko ha ongo meʻa ʻIsileli ʻokú na fiefia ʻi ha kiʻi kai maʻamaʻa ʻi ha ʻātakai nonga
1. Maʻu ʻa e Melino ʻi Hoʻo Nofo Malí
(10 min.)
ʻOku fiemaʻu ʻa e ngāue lahi ke tauhi maʻu ʻa e melinó, ka ʻoku tuha moʻoni ia mo e feingá (Pal. 17:1; sio ki he fakatātā)
Fakaʻehiʻehi mei hono fai ha fekīhiaki ʻi he fanga kiʻi meʻa īkí (Pal. 17:9; g 9/14 11 ¶2)
Mapuleʻi hoʻo ngaahi ongoʻí (Pal. 17:14; w08 7/1 11 ¶1-2)
2. Makakoloa Fakalaumālie
(10 min.)
Pal. 17:24—ʻOku ʻuhinga ki he hā ʻa e pehē, “ko e mata ʻo e valé ʻoku hē atu ia ki he ngaahi ngataʻanga ʻo e māmaní”? (it-1 790 ¶2)
Ko e hā ʻa e makakoloa fakalaumālie naʻá ke ako mei he lau Tohi Tapu ʻo e uike ní?
3. Lau Tohi Tapu
(4 min.) Pal. 17:1-17 (th ako 10)
4. Kamataʻi ha Fetalanoaʻaki
(3 min.) FOUNGA ʻIKAI ANGA-MAHENI. (lmd lēsoni 3 poini 5)
5. Kamataʻi ha Fetalanoaʻaki
(4 min.) ʻI HE FEITUʻU KAKAÍ. Tuʻuaki ha ako Tohi Tapu. (lmd lēsoni 6 poini 4)
6. Malanga
(5 min.) ijwbv kupu 60—Kaveingá: Ko e Hā ʻa e ʻUhinga ʻo e Palōveepi 17:17? (th ako 13)
Hiva 113
7. Fakatupulekina ʻa e Tōʻonga ʻOkú Ne Pouaki ʻa e Fetuʻutaki Leleí
(15 min.) Fetalanoaʻaki.
Ko e fetuʻutaki leleí ʻa e kī ki he moʻui fakafāmili fiefiá. ʻI he taimi ʻoku fetuʻutaki tauʻatāina ai ʻa e ngaahi mēmipa ʻi he fāmilí, ʻe lava ke nau aʻusia ai ʻa e ngaahi taumuʻá ko ha timi pea fepoupouaki lolotonga ʻa e ngaahi taimi faingataʻá. (Pal. 15:22) Ko e hā ʻe lava ke ke faí ke pouaki ai ʻa e fetuʻutaki tauʻatāiná ʻi ho fāmilí?
Fakamoleki fakataha ʻa e taimí. (Teu. 6:6, 7) ʻI he taimi ʻoku ngāue fakataha ai ʻa e ngaahi fāmilí, kau fakataha ʻi he ngāue fakalaumālié pea fiefia fakatahá, ʻoku nau faʻu ai ha haʻi mālohi ʻo e ʻofá mo e falalá. ʻOku nau toe ʻai ha faingamālie ke nau talanoa lelei ai. ʻI he taimi ʻe niʻihi, ʻe fiemaʻu nai ke ke feilaulauʻi ʻa e meʻa ʻokú ke saiʻia aí koeʻuhi ke fai ʻa e meʻa ʻoku loto ʻa e niʻihi kehe ʻi he fāmilí ke faí, ka ʻi he lele lōloá ʻoku tuha ia mo e feingá! (Fil. 2:3, 4) ʻE lava fēfē ke ke ngāue lelei taha ʻaki ʻa e taimi ʻoku mou fakamoleki fakatahá?—ʻEf. 5:15, 16.
Huluʻi ʻa e VITIŌ Muimui ʻi he Mape Folau ki he Melino ʻi he Fāmilí—Fakaleleiʻi ʻa e Fetuʻutakí. ʻEke leva ki he kau fanongó:
ʻE anga-fēfē hono uesia ʻa e fetuʻutaki ʻi he fāmilí ʻi hono ngāuehalaʻaki ʻa e meʻangāue fakaʻilekitulōniká?
Ko e hā mo ha toe meʻa naʻá ke ako fekauʻaki mo e fetuʻutaki leleí mei he vitiō ko ení?
Hoko ko ha tokotaha fanongo lelei. (Sēm. 1:19) ʻOku ngalingali ʻe fakahaaʻi tauʻatāina ange ʻe he fānaú ʻa e anga ʻenau ongoʻí kapau ʻoku ʻikai ke nau ilifia naʻa ʻikai ke mahinoʻi kinautolu pe fakamāuʻi. Ko ia fai ho lelei tahá ke ʻoua ʻe ʻita kapau ʻoku leaʻaki ʻe hoʻo kiʻi tamá ha meʻa ʻokú ne fakahohaʻasi koe. (Pal. 17:27) ʻI hono kehé, fanongo fakataha mo e kaungāongoʻi. Feinga ke mahinoʻi ʻa e anga ʻene fakakaukaú mo e ongoʻí koeʻuhí ke ke lava ʻo fakafiemālieʻi pe tokoniʻi ia ʻi ha founga anga-ʻofa.
8. Ako Tohi Tapu ʻa e Fakatahaʻangá
(30 min.) fy vahe 14 ¶17-25