ʻOKATOPA 20-26
TANGATA MALANGA 9-10
Hiva 30 mo e Lotu | Lea Kamata (1 min.)
1. Tauhi Maʻu ha Vakai Totonu ki Ho Ngaahi ʻAhiʻahí
(10 min.)
ʻOku tau ʻiloʻi ko e ngaahi ʻahiʻahí ʻoku ʻikai ko ha fakaʻilonga ia ʻoku ʻikai ke hōifua ʻa Sihova ʻiate kitautolu (Tml. 9:11; w13 8/15 14 ¶20-21)
ʻOku ʻikai ke tau ʻamanekina ko e moʻui ʻi he fokotuʻutuʻu ko eni ʻa Sētané ʻe ʻataʻatā mei he taʻefaitotonú (Tml. 10:7; w19.09 5 ¶10)
ʻOku totonu ke tau vaheʻi ha taimi ke fiefia ʻi he ngaahi meʻaʻofa kuo foaki mai ʻe Sihová, naʻa mo e fehangahangai mo e ngaahi polé (Tml. 9:7, 10; w11 10/15 8 ¶1-2)
2. Makakoloa Fakalaumālie
(10 min.)
Tml. 10:12-14—Ko e hā ʻa e fakatokanga fekauʻaki mo e ngutu laú ʻoku ʻomai ʻi he ngaahi veesi ko ení? (it “Lau, Laukovi Loi” ¶4, 8)
Ko e hā ʻa e makakoloa fakalaumālie naʻá ke ako mei he lau Tohi Tapu ʻo e uike ní?
3. Lau Tohi Tapu
(4 min.) Tml. 10:1-20 (th ako 11)
4. Kamataʻi ha Fetalanoaʻaki
(3 min.) ʻI HE FEITUʻU KAKAÍ. Kamataʻi ha fetalanoaʻaki mo ha tokotaha ʻoku mata mamahi. (lmd lēsoni 3 poini 4)
5. Kamataʻi ha Fetalanoaʻaki
(4 min.) FOUNGA ʻIKAI ANGA-MAHENI. Vahevahe ha taha ʻo e “Ngaahi Moʻoni ʻOku Tau Saiʻia ke Akoʻí” mei he fakamatala fakalahi A ʻo e polosiua ʻOfa ki he Kakaí ki ha tokotaha ʻokú ne tala atu ʻoku hohaʻa fekauʻaki mo e tuʻunga fakaʻekonōmiká. (lmd lēsoni 4 poini 4)
6. Ngaohi Ākonga
Hiva 47
7. ʻE Tokoniʻi Koe ʻe Sihova ʻi he Hoko ha Meʻa Fakamamahi
(15 min.) Fetalanoaʻaki.
ʻOku tau fehangahangai mo e ngaahi ʻahiʻahí mo e polé ʻi he ʻaho ki he ʻaho. Kae kehe, ko e ngaahi ʻahiʻahi ʻe niʻihi ʻoku hoko fakafokifā pea ʻoku mātuʻaki fakamamahi ʻo aʻu ki ha tuʻunga ʻokú ne lōmekina fakaeongo, fakaesino, mo fakalaumālie kitautolu. Ko hai te ne tokoniʻi kitautolú, pea ko e hā ʻe lava ke tau fai ʻi he hoko ha meʻa fakamamahi?
Neongo pe ko e hā ha ʻahiʻahi ʻoku tau fehangahangai mo ia, ʻoku hoko maʻu pē ʻa Sihova ko hotau “hūfangaʻanga malu.” (Saame 62:2) Ke falala kia Sihová, ʻoku fiemaʻu ke tau hoko ʻo mafamafatatau mo anga-fakanānā. (Pal. 11:2) Kapau ʻoku tau hokosia ha meʻa fakamamahi, ʻe fiemaʻu nai ke tau vaheʻi ha taimi ke tokangaʻi ai kitautolu pe ko ha tokotaha ʻofeina, ke fai ʻa e ngaahi fili fakapotopotó, pe ke fakaʻatā ha taimi ke tau tangi ʻi heʻetau mamahí. (Tml. 4:6)
Koeʻuhi ʻoku ngāueʻaki ʻe Sihova ʻene kau lotú ke nau fefakaivimālohiʻaki, kuo pau foki ke tau loto-lelei ke tali ʻa e tokoní pe kole ki ha tokoni. Manatuʻi, ʻoku ʻofa moʻoni ho kaungālotú ʻiate koe, pea ʻoku nau fiefia ke poupouʻi koe.
Lau ʻa e 2 Kolinitō 4:7-9. ʻEke leva ki he kau fanongó:
Ko e hā ʻoku totonu ai ke tau fai hotau lelei tahá ke tauhi maʻu ʻetau taimi-tēpile fakalaumālie anga-mahení naʻa mo e taimi ʻoku faingataʻa nai ai ke fai peheé?
Huluʻi ʻa e VITIŌ ʻOku Ofi ʻa Sihova ki he Loto-Laveá. ʻEke leva ki he kau fanongó:
Naʻe anga-fēfē hono tokoniʻi ʻe Sihova ʻa Tokoua mo Tuofefine Septer?
Naʻe anga-fēfē hono tokoniʻi kinaua ʻe he kaungālotú?
Ko e hā mo ha toe meʻa ʻokú ke ako mei heʻena faʻifaʻitakiʻangá?
8. Ako Tohi Tapu ʻa e Fakatahaʻangá
(30 min.) lfb lēsoni 28, talateu ki he konga 6, mo e lēsoni 29