Naʻe Faʻu Ia ke Pehē?

Kulū mei he Mokó

◼ ʻOku ofoofo ʻa e kau saienisí ʻi he malava ʻa e mokó ke kaka ʻi he ngaahi meʻa ʻoku molemolé—naʻa mo ʻene lele fakatovave hake ʻi ha ʻaofi molemole—ʻo ʻikai pē ke hekea ia! ʻOku anga-fēfē ʻa e malava ʻeni ʻe he kiʻi moko fakaofó?

ʻOku pehē ʻe he Tohi Tapú ko e mokó ‘ʻokú ne lava ke ne puke ʻaki hono nimá.’ (Palovepi 30:28) Ko e moʻoni, ʻoku meimei tatau ʻa e vaʻe ʻo e mokó mo e ongo nimá, pea ʻoku fakaofo ʻa ʻene piki mo ngaue vave holo ʻi he ngaahi meʻa molemolé. ʻOku tupu hake ʻi he louhiʻi vaʻe taki taha ha fanga kiʻi konga ʻoku tupu ai ʻa e fanga kiʻi meʻa hangē ha fulufulú ʻe laui afe. Ko e foʻi fulufulu taki taha leva, ʻoku ʻi ai ʻa e fanga kiʻi filo valevale ai ʻe laui ngeau. Ko e mālohi ʻi he anga ʻo e fengāueʻaki ʻa e molekulá (ʻoku ui ko e van der Waals) ʻa ia ʻoku haʻu mei he fanga kiʻi filo ko ʻení ʻoku feʻunga ia ke ne puke ʻa e mamafa ʻo e mokó—naʻa mo e taimi ʻoku lele fakatovave foʻohifo ai ʻi ha sioʻata!

ʻOku loto ʻa e kau faifakatotoló ke faʻu ha kulū ʻoku hangē ko e vaʻe ʻo e mokó, ʻa ia ʻe pipiki ki he ngaahi meʻa molemolé.a Ki hono ngāueʻaki kehé, ʻe lava ke “ngāueʻaki lahi ia ʻi he ngaahi meʻa fakafaitoʻó,” ko e fakamatala ia ʻa e makasini Science News, “ʻo kamata pē mei he ngaahi palasitā ʻe piki maʻu ʻi he taimi ʻoku vikuviku aí ʻo aʻu ki ha faʻahinga tepi ke fetongiʻaki ʻa e ngaahi mata-tuitui ʻi he tafá.”

Hili ʻa e lāulea nounou ko ʻení, ko e hā hoʻo fakakaukaú? Naʻe hokonoa mai pē ʻa e kulū mei he mokó? Pe naʻe faʻu pē ia ke pehē?

[Fakamatala ʻi lalo]

[Fakatātā ʻi he peesi 10]

Ko e tafaʻaki ki lalo ʻo e kalasi moko “tokay”

[Fakatātā ʻi he peesi 10]

Fanga kiʻi fulufulu valevale ʻi he vaʻe ʻo ha moko

[Maʻuʻanga Tā ʻi he peesi 10]

Moko: Breck P. Kent; fakaʻata lahi: © Susumu Nishinaga/Photo Researchers, Inc.