Vakaiʻi Fakafāmili
Ko e Hā ʻOku Kehé?
ʻE lava ke ke ʻiloʻi ʻa e faikehekehe ʻi he fakatātā A mo e fakatātā E? Tohiʻi hoʻo talí ʻi he ngaahi laine ʻi laló, pea fakakakato ʻa e fakatātaá ʻaki hono valivaliʻi ia.
TOKONI: Lau ʻa e ʻAisea 6:1-8.
1. ․․․․․
2. ․․․․․
3. ․․․․․
4. Ko fē ʻa e fakatātā ʻoku tonú, ko e fakatātā A pe E?
KI HA FETALANOAʻAKI:
Ko e hā ʻa e fakakaukau lelei naʻe maʻu ʻe ʻAiseá? ʻE lava fēfē ke ke fakahāhaaʻi ʻokú ke maʻu ha laumālie anga-fakatōkilalo mo loto-lelei?
TOKONI: Lau ʻa e Saame 110:3; Mātiu 28:19, 20.
NGĀUE FAKAFĀMILI:
ʻAi ke fekumi ʻa e mēmipa taki taha ʻi he fāmilí ki he ngaahi moʻoniʻi meʻa fekauʻaki mo e ngafa ʻo e kau ʻāngeló. Pea fakataha mai leva ʻo fakamatala ki he meʻa naʻá ke akó. Ko e fakatātaá, ko e hā ʻa e niʻihi ʻo e ngaahi fatongia ʻo e kau ʻāngeló?
TOKONI: Lau ʻa e Saame 34:7; Hepelū 1:14; Fakahā 14:6, 7.
ʻOku fokotuʻutuʻu maau ʻa e kau ʻāngeló?
TOKONI: Lau ʻa e Saame 103:19-21.
ʻOku anga-fakatōkilalo mo loto-lelei ʻa e kau ʻāngeló ke tokoniʻi ʻa e niʻihi kehé?
TOKONI: Lau ʻa e Fakamaau 13:17, 18; Luke 22:43; Fakahā 22:8, 9.
Tānaki pea Ako
Kosiʻi, pelu ua, pea tauhi
KAATI FAKATOHITAPU 9 SELEMAIA
FEHUʻI
A. Ko e hā ʻa e ngaahi tohi Fakatohitapu ʻe fā naʻe ngāueʻaki ʻe Sihova ʻa Selemaia ke ne hikí?
E. Moʻoni pe loi? Naʻe taʻemali ai pē ʻa Selemaia.
F. Fakakakato ʻa e fakamatala ʻa Selemaiá: “Toki hoko ia ʻi hoku loto [ʻa e folofola ʻa e ʻOtuá] ʻo hange . . . ”
[Saati]
4026 K.M. Fakatupu ʻo ʻĀtamá
Naʻe moʻui nai ʻi he 650 K.M.
1 T.S.
98 T.S. Hiki ʻo e tohi fakamuimui ʻi he Tohi Tapú
[Mape]
Naʻe nofo ʻi Selusalema.
Fononga ki he Vaitafe ʻIufaletesí pea ki ʻIsipite—Selemaia 13:1-9; 43:8-13
Selusalema
ʻIufaletesi
ʻISIPITE
SELEMAIA
FAKAMATALA
Naʻe fili ki muʻa ʻi hono fanauʻí ke hoko ko ha palōfita. (Selemaia 1:1-5) Naʻe tauhi faitōnunga ʻa Selemaia ki he ʻOtuá ʻo laka hake he taʻu ʻe 65. Neongo naʻe ongoʻi ʻe Selemaia ʻoku ʻikai ke ne fuʻu taukei pea manavasiʻi ke lea, naʻe tala ange ʻe Sihova kiate ia: “ʻOua te ke manavahe . . . : he ʻoku ou ʻiate koe ke fai ho fakahaofi.”—Sel. 1:6-8.
TALI
A. ʻUluaki mo e Ua Tuʻi, Selemaia, mo e Tangilāulau.
E. Moʻoni.—Selemaia 16:1-4.
F. “. . . ko e afi vela kuo loki ʻi hoku hui.”—Selemaia 20:9.
KAATI FAKATOHITAPU 10 SOLOMONE
FEHUʻI
A. Naʻe lotu ʻa Solomone, ʻo ʻikai ki ha fuʻu koloa pe moʻui fuoloa, ka ki he hā?
E. Fakafonu ʻa e laine ʻoku ʻataá. Naʻe lava ke leaʻaki ʻe Solomone ʻa e ngaahi palōveepi ʻe ․․․․․, pea naʻe aʻu ʻene ngaahi hivá ki he ․․․․․.
F. Ko e hā ʻa e toe hingoa naʻe ʻoange kia Solomoné?
[Saati]
4026 K.M. Fakatupu ʻo ʻĀtamá
Naʻe moʻui nai ʻi he 1000 K.M.
1 T.S.
98 T.S. Hiki ʻo e tohi fakamuimui ʻi he Tohi Tapú
[Mape]
Naʻe fononga ʻa e Kuini ʻo Sipá ʻi he maile nai ʻe 1,500 (kilomita ʻe 2,400) ke fanongo ki he poto ʻo Solomoné
SIPA
Selusalema
SOLOMONE
FAKAMATALA
Ko e foha hono ua ʻo Tēvita mo Patisepá. Naʻe pule ʻa Solomone ʻi ʻIsileli ʻi he taʻu ʻe 40. Naʻá ne langa ha fuʻu fale lahi maʻá e lotu kia Sihová. (1 Tuʻi 5:2-5) Naʻe ngāueʻaki ʻe Sihova ʻa Solomone ke ne hiki ʻa e Palōvēpí, Koheletí, mo e Hiva ʻa Solomoné. Ko e feohi kovi mo e ngaahi uaifi mulí naʻe taki atu ai ia ke ne mamaʻo meia Sihova.—1 Tuʻi 11:1-6.
TALI
A. Ki ha loto tokanga pe talangofua.—1 Tuʻi 3:5-14.
E. 3,000, 1,005.—1 Tuʻi 4:29, 32.
F. Setitaia, ʻoku ʻuhingá ko e “Pele-a-Iaa.”—2 Sāmiuela 12:24, 25.
● “VAKAIʻI FAKAFĀMILI” ʻa e ngaahi talí ʻi he peesi 24
TALI KI HE PEESI 30
1. ʻOku kapakau ʻe ono ʻa e ʻāngeló ʻi he fakatātā ʻe tahá kae fā ʻi he fakatātā ʻe tahá.
2. ʻOku toʻo ʻe he ʻāngeló ʻa e hikofi ʻi he fakatātā ʻe tahá kae heletā ʻi he fakatātā ʻe tahá.
3. ʻOku pā ʻa e malalaʻi afí ki he loungutu ʻo ʻAiseá ʻi he fakatātā ʻe tahá ka ki hono nimá ʻi he fakatātā ʻe tahá.
4. E.