Hiva 152
Houngaʻia he Manavaʻofa ʻa e ʻOtuá
1. He koloa, ʻilo, moe poto,
Maʻu ʻe he ʻOtuá!
Fakamāu he taumamaʻo,
Fiu kumi ʻene foungá!
Ko hai ia kuo fai faleʻi
Pe ʻatu ha tokoni,
Ke moʻua ki ha taha
Pe ʻeke ha totongi?
2. Sihova manavaʻofa,
Houngaʻia ā ki ai
Pea līʻoa ʻa hotau sinó
He ʻOtua fai moʻoní.
ʻI he fai fakatapuí,
Tau tuli pau ki ai,
He mafai fakakaukaú,
Fai meʻa ʻe lavaʻi.
3. ʻOua fai founga māmaní,
ʻAi foʻou ʻatamaí,
Liliu fai ʻe he moʻoní,
ʻO hūhū ai e tuí.
Lotua mai ha tāpuaki,
Tau anga-vaivai hifo,
Fakahā feʻofaʻaki;
Fiefia ai mo melino.