Ko e Ngaahi Kaumeʻa ʻo e ʻOtuá ʻOku Nau Fakaʻehiʻehi mei he Meʻa ʻOku Koví

ʻOku fakataueleʻi ʻe Sētane ʻa e kakaí ke nau fai ʻa e ngaahi meʻa ʻoku koví. Ko ha tokotaha ʻokú ne loto ke hoko ko e kaumeʻa ʻo e ʻOtuá ʻoku fiemaʻu ke ne fehiʻa ʻi he meʻa ʻoku fehiʻa ai ʻa Sihová. (Sāme 97:10) Ko e ngaahi meʻa eni ʻe niʻihi ʻoku fakaʻehiʻehi mei ai ʻa e ngaahi kaumeʻa ʻo e ʻOtuá:

Ko e ngaahi angahala fakaefehokotaki fakasinó. “ʻOua naʻa ke tono ʻunoho.” (Ekisoto 20:14) Ko e fehokotaki fakasino ki muʻa ʻi he nofo malí ʻoku toe hala mo ia.​—1 Kolinito 6:18.

Konā. Ko e “kau faa kona . . . e ikai te nau lavaʻi ae buleaga oe Otua.”​—1 Kolinito 6:10, PM.

Fakapō, Fakatōtama. “ʻOua naʻa ke fakapo.”​—Ekisoto 20:13.

Kaihaʻa. “ʻOua naʻa ke kaihaʻa.”​—Ekisoto 20:15.

Loi. ʻOku fehiʻa ʻa Sihova ʻi he “ʻelelo loi.”​—Palovepi 6:17.

Fakamālohí mo e ʻIta Taʻemapuleʻí. Ko e “ʻofa ki he fakamalohi, ʻoku fehiʻa ki ai [ʻa Sihova ].” (Sāme 11:5) Ko e “ngaahi ngaue ʻa Kakano [ʻoku kau ai ʻa e] . . . feʻiteʻitani.”​—Kaletia 5:19, 20.

Pele Paʻanga. “Ka ai ha toko taha ʻoku . . . manumanu . . . ke ʻoua te mou feʻiloaki mo ha taha pehe.”​—1 Kolinito 5:11.

Ngaahi Tāufehiʻa Fakamatakali mo Fakafaʻahinga. “Mou ʻofaʻi homou ngahi fili, pea hufia ʻa kinautolu ʻoku nau fakatangaʻi kimoutolu.”​—Mātiu 5:43, 44.

Ko e ngaahi meʻa ʻoku tala mai ʻe he ʻOtuá ki heʻetau lelei pē. ʻOku ʻikai faingofua maʻu pē ke fakaʻehiʻehi mei hono fai ʻa e ngaahi meʻa ʻoku koví. ʻI he tokoni ʻa Sihová pea mo e tokoni ʻa ʻene Kau Fakamoʻoní, te ke lava ai ke fakaʻehiʻehi mei hono fai ʻa e ngaahi meʻa ko ia ʻoku taʻefakahōifua ki he ʻOtuá.​—Aisea 48:17; Filipai 4:13; Hepelu 10:24, 25.