KONGA 6

Ko e Hā ʻOku Tau Ako mei he Fuʻu Lōmakí?

Naʻe fakaʻauha ʻe he ʻOtuá ʻa e fulikivanú ka naʻá ne fakahaofi ʻa Noa mo hono fāmilí. Sēnesi 7:11, 12, 23

Tētē ‘a e ‘a‘aké, melemo ‘a e kakai fulikivanú, pea tukuange ‘e he kau ‘āngelo angatu‘ú honau sino fakakakanó

Naʻe ʻuha ʻi he ʻaho ʻe 40 mo e pō ʻe 40, pea naʻe ʻufiʻufi ʻe he vaí ʻa e māmaní kotoa. Naʻe mate kotoa ʻa e kakai fulikivanú.

Naʻe tukuange ʻe he kau ʻāngelo angatuʻú honau ngaahi sino fakakakanó pea nau hoko ko e fanga tēmeniō.

Hū mai ‘a Noa, ko hono fāmilí mo e fanga manú mei he ‘a‘aké pea hā mai ‘a e ‘umatá ‘i he langí

Ko e faʻahinga ko ia naʻe ʻi he ʻaʻaké naʻa nau hao. Neongo ko Noa mo hono fāmilí naʻe faifai atu pē ʻo nau mate, ʻe toe fakafoki mai ʻe he ʻOtuá kinautolu ki he moʻuí fakataha mo e ʻamanaki ʻo e moʻui taʻengatá.

ʻE toe fakaʻauha ʻe he ʻOtuá ʻa e fulikivanú pea fakahaofi ʻa e kakai leleí. Mātiu 24:37-39

Ngāue‘aki ‘e Sētane mo ‘ene fanga tēmenioó ‘a e founga kehekehe ke takihala‘i‘aki ‘a e kakaí

ʻOku hokohoko atu ʻa Sētane mo e fanga tēmenioó ʻi hono takihalaʻi ʻa e kakaí.

ʻI he ʻahó ni, hangē pē ko ia ʻi he taimi ʻo Noá, ʻoku talitekeʻi ʻe he tokolahi ʻa e tataki anga-ʻofa ʻa Sihová. ʻE vavé ni ke fakaʻauha ʻe Sihova ʻa e faʻahinga kotoa ʻoku fulikivanú.—2 Pita 2:5, 6.

Ngāue‘aki ‘e he Kau Fakamo‘oni ‘a Sihová ‘a e Tohi Tapú ke malanga ki ha tangata; lau ‘e ha tangata ‘a e Tohi Tapú

Ko e kakai ʻe niʻihi ʻoku nau hangē ko Noá. ʻOku nau fanongo ki he ʻOtuá pea fai ʻa e meʻa ʻokú ne folofolaʻakí; ko kinautolu ia ʻa e Kau Fakamoʻoni ʻa Sihová.